სამუელ სიცოცხლეშ ბოლოშახ იეჰოვაშ ართგურ რდჷ. ახალგაზრდობას სამუელქ ვეიაჸუნ ელიშ სქუალეფს, ხოფნი დო ფინხასის, მით უზნეო ცხოვრებას მეჸუნდეს (1 სამ. 2:22—26). სამუელ ირდუდ დო იეჰოვა ხოლო ხუჯის უკინენდჷ თის (1 სამ. 3:19). ხანშა მიშულაშ უკულ ხოლო, თიქ გაგრძელ იეჰოვაშ შარათ გილულა, თიშ უმკუჯინუო, ნამდა მუშ სქუალეფ თაშ ვექციებდეს (1 სამ. 8:1—5).

მუშ გურაფა შემლებნა სამუელიშ მაგალითშე? ახალგაზრდეფ რჯერდან, იეჰოვას არჩქილე, მუ პრობლემეფს ხვადუთ დო მუს გინაფლენთ თე დროს. თის შეულებ მიგეხვარან, რდათ გაბედულეფ (ეს. 41:10, 13). მშობლეფ, თქვან სქუა შარას ეჩილათირ ქორენ-და, გურშა ელაიკინანა თიშ რჩქინა, ნამდა სამუელს ვა დუნძალებ მუშ სქუალეფშა, ქუდოსქიდესკო იეჰოვაშ ართგურეფქ. თიქ თე საქმე ღორონთის მიანდჷ, ვა უდინუაფ ართგურობა დო გურ გუხარ იეჰოვას. თქვან ჯგირ მაგალითიქ შილებე გინაჭყვიდირაფუას თქვან სქუას, კინ დართას იეჰოვას.

ქუჯინ ვიდეოს „ქიდიგურეთ თინეფშე — სამუელ“. უკულ ქუპასუხ თუდო მოჩამილ კითხვეფს:

• მუჭო გიმირჩქინ სამუელქ გაბედულება ბაღანობას?

• მუჭო გიმირჩქინ დენიქ გაბედულება?

• მუ ჯგირ მაგალით დომტუეს ხანშა მიშულირ სამუელქ?

• მუ ჯგირ მაგალით მუჩეს დენიშ მშობლეფქ?