იეჰოვაშ მეგობრეფ ქორდანინ, ბიბლიაშ მაგურაფალეფს ჯგირ საზოგადოებაწკუმა ოკო უღდან ურთიერთობა (ფსალმ. 15:1, 4). ჯგირ საზოგადოება მეხვარებ თინეფს სწორას მოქციებას (იგავ. 13:20; lff დუდ 48).

გეთვალისწინ ბიბლიაშ მაგურაფალიშ გრძნობეფ, მუჟამსით ოხვარუქ, დუდ ეუჩილითუას გლახა საზოგადოებას. თის შილებე უჭირდას, მიოტუას თინეფწკუმა მეგობრობა, მით ვამსახურ იეჰოვას. ყურადღება თი დროს ხოლო გეგმირჩქინ, მუჟამსით ვატარენქ ბიბლიაშ გურაფას. შეილებ წერილ მეჭარე, დურეკე ვარდა ქიმიაკითხუე. მუჟამსით ბიბლიაშ მაგურაფალ ნაბიჯეფს გეგნოდგუნს, შეილებ მეხვარე, დეახლოვას ღორონთიშ ხალხის. თინა ქოძირუნს ნამდა თიშე ბრელით მეტის მიღენს, ვინემ ოდინუ (მარ. 10:29, 30). სი ხოლო იგინანქ ხიოლს, მუჟამსით ქოძირუნქ, მუჭო ირდუ იეჰოვაშ დიდ ოჯახ.

ქუჯინ ვიდეოს „ქიმეხვარ ბიბლიაშ მაგურაფალს — დუდ ეუჩილითუას გლახა საზოგადოებას“. უკულ ქუპასუხ თუდო მოჩამილ კითხვეფს:

• მუს ნიშნენს გლახა საზოგადოება? (1 კორ. 15:33).

• მუჭო აფუდ ჯეიდის წარმოდგენილ ქრისტიანეფიშ მეგობრულ აკოშაყარუა?

• მუჭო მეხვარ ნიტაქ ჯეიდის, გლახა საზოგადოება ჯგირით დოთირუკო?