კრებაშ შეხვალამეფ წმინდა თაყვანიშმცემლობაშ მნიშვნელოვან ნაწილ რე (ფსალმ. 22:22). არძას, მით ღორონთიშ განსადიდებელო იშაყარუ, უღჷ ხიოლ დო კურთხევეფ იეჰოვაშე (ფსალმ.65:4). მუჟამსით ბიბლიაშ მაგურაფალეფ რეგულარულო ოსწრუნა კრებაშ შეხვალამეფს, უმოს მალას ირდუნა სულიერო.

მუჭო შეილებ მეხვარე ბიბლიაშ მაგურაფალს, ქიდესწრას კრებაშ შეხვალამეფს? ქუდაპატიჟ კრებაშა. ქაძირე ვიდეო „მუს ომსახურ იეჰოვაშ მოწმეეფიშ დარბაზ?“. გეუნწყ, მუ სარგებელ მოუღ კრებაშ შეხვალამეფს (lff დუდ 10). შეილებ გაუზიარე საინტერესო აზრეფ, ნამუთ კრებას მირჩქილე ვარდა ქოუწუე, მუშე იჸუაფ ჩიება ანწიან კრებაშ შეხვალამას. ქიმეჩ თი პუბლიკაციეფ, ნამუთ კრებას იჸუაფ გარჩიებულ. პრაქტიკულო ხოლო ქიმეხვარ. მაგალთო, შილებე მანქანათ ჸუნაფა ოსაჭირდას. სქან ძალისხმევას შედეგ ქუმაჸუნუ, მუჟამსით ბიბლიაშ მაგურაფალ პირველო ქიდესწრებ კრებაშ შეხვალამას (1 კორ. 14:24, 25).

ქუჯინ ვიდეოს „ქიმეხვარ ბიბლიაშ მაგურაფალს — ქიდესწრას კრებაშ შეხვალამეფს“. უკულ ქუპასუხ თუდო მოჩამილ კითხვეფს:

• ნამ საშვალება გიმირინუ ნიტაქ, ნამდა ჯეიდ კრებაშა ქუდაპატიჟკო?

• მუშენ მოხიოლნა, მუჟამსით ბიბლიაშ მაგურაფალ კრებეფს ოსწრჷ?

• მუჭო იმოქმედ ჯეიდშა კრებაშ შეხვალამაშა პირველო დასწრებაქ?