მუშენ ოკო ეცადე, გურ გეგნუფაჩე მშობლეფს? (იგავ. 23:26). მუშენდა თინეფს იეჰოვაშე უღნა პასუხიშმგებლობა, იზრუნან სქანდე დო გიხემძღვანელან (ფსალმ. 127:3, 4). გრძნობეფს დო ოწუხებელს დუფულუნქ-და, გაუჭირდუნა სქან მოხვარა. თეწკუმა ართო, მიოდინუანქ შანსის, დიგურუე თინეფიშ ცხოვრებისეულ გამოცდილებაშე. გლახა რენო, კანკალეშა ფიქრეფ ვა გაუზიარე მშობლეფს? ვარ, მარა ფრთხილას ოკო რდე, ნამდა მშობლეფ შეცდომაშა ვემშიჸონე დო არასწორო ვაფიქრებაფუე (იგავ. 3:32).

მუჭო შეილებ დურაგადუე მშობლეფს? ორაგადეთ შესაფერის დრო გეგშაგორ. ჩიება ქუგოძნელ-და, შეილებ ართ-ართის სქან გრძნობეფიშ გურშენ წერილ ქიმეჭარე. მუ ოკო აკეთე, მშობლეფს ვა გოსიამოვნუნ ფერ თემაშე ჩიება ქაკონან-და? რშუდას, თინეფს მთელ გურით ოკონა, მიგეხვარან. მშობლეფ მირჩქინ მეგობრეფო დო ვართ ხოლო ნტერეფო. მუჟამსით გეგმირჩქინანქ მონდომას, ნამდა საერთო ნინა დოგორე მშობლეფწკუმა, თენა ჯგირობუას მოიღანს მარადიულო! (იგავ. 4:10—12).

ქუჯინ ვიდეოს „ახალგაზრდულ წანეფ — მუჭო ბგორა საერთო ნინა მშობლეფწკუმა?“. უკულ ქუპასუხ თუდო მოჩამილ კითხვეფს:

• მუს მეხვადეს ესთერ დო პარტიკიქ, მუჟამსით მუნეფიშ დუდის ქიდეკვირეს?

• მუშ გურაფა შეილებ იესოშ მაგალითშე?

• მუჭო ოძირანა სქან მშობლეფ, ნამდა ზრუნენა სქანდე?

• ნამ ბიბლიურ პრინციპ მიგეხვარებ, ნამდა საერთო ნინა დოგორე მშობლეფწკუმა?