მუშენ რე მნიშვნელოვან: უმენტაშ სამუშა იარაღეფცალო, სოციალურ ქსელეფქ ხოლო შილებე იჸუას სარგოქ ვარდა მოცილექ. ნამთინე ქრისტიანს უსხუნ ვეგმირინუას სოციალურ ქსელეფ. შხვეფ გიმირინუანა თის, ნამდა უღუდან ურთიერთობა ოჯახ დო მეგობრეფწკუმა. მარა სატანას ოკო სოციალურ ქსელეფიშ გლახათ გიმორნაფათ, გილალუას ჩქინ რეპუტაცია დო მიმოდინაფუან სულიერობა. იესოცალო, შემლებნა ბიბლიურ პრინციპეფიშ გიმორნაფათ, გეგშეფჩინათ საფრთხეეფ დო დუდ ეუჩილითუათ თინეფს (ლუკ. 4:4, 8, 12).

მახეეფ, ნამუსით დუდ ოკო ეუჩილითუათ:

• სოციალურ ქსელიშ ზედმეტო გიმორნაფა. სოციალურ ქსელიშ საათეფით გიმორნაფას, შეულებ მიდამღან თი ძვირფას დრო, ნამუთ სულიერ საქმეეფშო ოკო გიმიბრინეთკო.

  ბიბლიურ პრინციპეფი: (ეფეს. 5:15, 16; ფილ. 1:10)

• საეჭვო მასალეფიშ ძირაფა. გამომწვევ სურათეფიშ ჯინაქ, შილებე ქიმემჸონან პორნოგრაფიაშ ჯინაშა ვარდა უზნეობაშა. განდგომილეფიშ მასალაშ ძირაფაქ ვარდა თინეფიშ ბლოგეფშა მიშულას შეულებ რწმენა დამსუსტან.

  ბიბლიურ პრინციპეფი: (მათ. 5:28; ფილ. 4:8)

• ქრისტიანშო მეღებულ ვარენ ფერ კომენტარეფიშ ვარდა სურათეფიშ გედვალა. გურ ვერაგ რე, ათეშენ პიროვნებაქ შილებე გეიაჸუნას თის დო სოციალურ ქსელს ქიგედვას ქრისტიანშო მეღებულ ვარენ ფერ კომენტარეფ ვარდა სურათეფი. თეს შეულებ შხვას რეპუტაცია გაუფუჭას ვარდა სულიერო დაბრკოლას.

  ბიბლიურ პრინციპეფი: (რომ. 14:13; ეფეს. 4:29)

ქუჯინით ვიდეოს „ვემშაიტყურუას სოციალურ ქსელქ“ დო უკულ გარჩი, მუჭო აურიდათ დუდ თუდო მოჩამილ სიტუაციეფს: