ბოლო პასექ, ნამუთ იესოქ აღნიშნჷ, მანგარ მნიშვნელოვან რდუ. თის უჩქუდ, ნამდა მალას ოკო დოღურკო, ათეშენ გეგნოჭყვიდ საპასექო ოჭკუმალ მუშ მოწაფეეფწკუმა ართო ოჭკუმკო დო დაწესკო მუშ ღურაშ გოშინაშ ონჯუა. იესოქ ოთახიშ მომზადება პეტრე დო იოანეს ქუდავალ (ლუკ. 22:7—13; ქოძირით სურათ გალენ გვერდის). თენა გუმოშინანა, ნამდა ჩქი ხოლო ოკო მივემზადათ გოშინაშ ონჯუაშო, ნამუთ 27 მარტის იჸუაფ. კრებეფ გინოჭყვიდნა საკითხეფს, ნამუთ ოხუ მოხსენებათ გიშმაულარს, სიმბოლოეფს დო შხვა. მარა მუშ კეთება შემლებნა თითოულს, ნამდა მივემზადათ გოშინაშ ონჯუაშო?

მამზადით თქვან გურ. წეკითხით დო დეფიქრით გოშინაშ ონჯუაშო გიშართილ ბიბლიაშ მონაკვეთეფშე. გეგმაშ ძირაფა შეილებნა ბროშურას „წმინდა წერილეფიშ ირდღაშიან გარჩიება“. ბიბლიაშ „ახალ ქიანაშ თარგმანს“, დანართეფს ა12 დო ბ12-ს კილ-კილშა რე ეჭარილ დედამიწას იესოშ ცხოვრებაშ ბოლო მარა (ქოძირით 2020 წანაშ აპრილიშ „ჩქინ ქრისტიანულ ცხოვრება დო მსახურება“). ოჯახეფს შეულებნა, ოჯახურ თაყვანიშცემას გარჩუან, მუ მნიშვნელობა უღჷ იესოშ გიშაჸიდირალ მსხვერპლის. ინფორმაციაშ გორუა შეულებნა „გინაჯინალ კოშკიშ პუბლიკაციეფიშ საძიებელს“ ვარდა „იეჰოვაშ მოწმეეფიშ ორკვიებელ სახემძღვანელოს“.

ქუდაპატიჟით შხვეფ. სრულ მონაწილება მიღით მაწვიებელიშ გავრცელებაშ კამპანიას. ქიფიქრით, მიშ დაპატიჟება შეილებნა. მაგალთო, თინეფ, მიდგაწკუმა კინ მეკითხირ გიღნა, მიდგას თეიშახ ბიბლიას ოგურუანდით, თანამშრომელეფ ვარდა ნათესეეფ. უხუცესეფქ ოკო დერწმუნან, ნამდა არძა არააქტიურ მაუწყებელ დაპატიჟებულ აფნა. პიროვნება, მიდგას დაპატიჟენთ, თქვან ტერიტორიას ვა ცხოვრენს-და, თე პიროვნებაშ ოცხოვრებელწკუმა ხოლოს გოშინაშ ონჯუაშ ჩატარებაშ დრო დო ადგილ შეილებნა გეგათ ვებგვერდის jw.org, განყოფილებას „ჩქინ გურშენ“/„გოშინაშ ონჯუა“.

ხოლო მუშ კეთება შემლებნა, ნამდა მივემზადათ გოშინაშ ონჯუაშო?