იეჰოვა მოხვარნა „ჩქინ საჯიმალოშ“, ჩქინ ძვირფას და დო ჯიმალეფიშ საშვალებათ (1 პეტ. 5:9). თინეფს შეულებნა მიმეხვარან, ნამდა გივორჯგინათ სირთულეეფს, ნამდგას მსახურებას შეფხვადუთ. მოციქულ პავლეს ხოლო ოხვარდეს თანაქრისტიანეფ, მაგალთო, აკვილა დო პრისკილა, სილა, ტიმოთე დო შხვეფ (საქ. 18:1—5).

მუჭო შილებე მიგეხვარან თანაქრისტიანეფქ მსახურებაშ დროს? თინეფქ შილებე მერჩან პრაქტიკულ რჩევეფ, მუჭო უპასუხათ პიროვნებას, ნამდგას ოკო, მიგოტებაფუან რაგად, მუჭო აკეთათ კინ მეკითხირ ვარდა მუჭო შეთავაზათ დო დიჭყათ პიროვნებაწკუმა ბიბლიაშ გურაფა. დეფიქრით, მის შეულებ თქვან კრებას ქიმგეხვარან დო უკულ ქოთხით თის მოხვარა. რჯერდან, თენა ჟირხოლოშო სასარგებლო იჸუაფ დო დიდ ხიოლს მოიღანა (ფილ. 1:25).

ქუჯინ ვიდეოს „გეგმოცადით ხიოლ მოწაფეეფიშ მომზადებაშ საქმეს — მიღით მოხვარა იეჰოვაშე — თანაქრისტიანეფ“. უკულ ქუპასუხ თუდო მოჩამილ კითხვეფს:

• მუჭო ეცად ნიტაქ, ნამდა ჯეიდის კრებაშ შეხვალამაშა დასწრებაშ სურვილ გურჩქინკო?

• მუშენ იჸუაფ ჯგირ, დუვაპატიჟათ შხვა მაუწყებელეფ ჩქინ ბიბლიაშ გურაფაშა?

• მუ საერთო გორეს ჯეიდიქ დო აბიგაილქ ართიანწკუმა?

• მსახურებაშ ნამ უნარეფიშ გაუჯგუშებას შილებე თანაქრისტიანეფქ მიგეხვარან?