წარმატებულ ქორწინება განადიდენს იეჰოვას დო ბედნერობა მოუღ ჩილ დო ქომონჯშა (მარ. 10:9). მტკიცე დო ბედნერ ქორწინებაშო აუცილებერ რე, ქრისტიანქ მომავალ მეუღლეშ გიშაგორუაშ დროს ბიბლიურ პრინციპეფ გეგმირინუას.

ვედიჭყათ მითინწკუმა რომანტიკულ ურთიერთობა, სოიშახ „ახალგაზრდულ ვნებეფ“ ვეგნურს, მუშენდა თეცალ დროს მოზღვავებულ სექსუალურ სურვილეფქ შილებე გეცილან სწორ გადაწყვეტილებაშ მეღებას (1 კორ. 7:36). დაუქორწინებლობაშ წანეფ იეჰოვაწკუმა ურთიერთობაშ გამანგარებელო დო ქრისტიანულ თვისებეფიშ გავითარებელო გეგმირინეთ. თენა მუგამზადენა, ნამდა თქვან ქორწინებაქ ბედნერქ ქიჸუას.

სოიშახ დაქორწინებას გინოჭყვიდუნთ, ვეჩქარათ დო დრო გეგმურთით მომავალ მეუღლეშ „შინაგან პიროვნებაშ“ გაჩინებაფას (1 პეტ. 3:4). მუთუნ ეჭვეფქ გოირჩქინდეს-და, ალალას ქუდურაგადეთ თის თეშ გურშენ. მუჭოთ შხვა ნებისმიერ ურთიერთობას თეშ ქორწინებას ხოლო, საჭირო რე, ხვალე თქვან დუდშე ვეფიქრათ (ფილ. 2:3, 4). ბიბლიურ პრინციპეფს დაქორწინებაშახ გეგმირინუანთ-და, თენა მუგამზადენა ბედნერ ქორწინებაშო.

ᲥᲣᲯᲘᲜ ᲕᲘᲓᲔᲝᲡ «ᲛᲝᲛᲖᲐᲓᲔᲑᲐ ᲥᲝᲠᲬᲘᲜᲔᲑᲐᲨᲝ — ᲜᲐᲬᲘᲚ 3: „ᲒᲔᲒᲛᲝᲙᲝᲠᲝᲪᲮᲘᲗ ᲮᲐᲠᲯᲔᲤ“». ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲔᲤᲡ:

• მუჭო ივითარებუდ ვიდეოს ძირაფილ დაშ დო შეინიშ ურთიერთობა?

• მუ ძირჷ თიქ, მუჟამსით უჯგუშო გეჩინებაფუ შეინ?

• მუჭო მეხვარეს თე დას მშობლეფქ დო მუ გონივრულ გადაწყვეტილება მიღჷ თიქ?