2018 წანაშ 24 იანარს, ჯუმაშხას შეერთებულ შტატეფიშ დო კანადაშ ბეთელეფს სპეციალურ განცხადება გაკეთეს: ჯიმა კენეთ კუკიქ იეჰოვაშ მოწმეეფიშ ხემძღვანელ საბჭოშ წევრო დენიშნჷ.

ჯიმა კუკიქ სამხრეთ-ცენტრალურ პენსილვანიას (აშშ) დებად. ჭეშმარიტება მუშ კლასელშე სკოლაშ თებაშახ გეგჷ დო 1980 წანაშ 7 ივანობას დინათ. სრულ დროთ მსახურება 1982 წანაშ 1 სექტემბერს დიჭყჷ. პიონერობაშე ჟირ წანაშ უკულ, 1984 წანაშ 12 ოქტომბერს ბეთელშა ქიმიწვიეს დო უოლკილს (აშშ) ქიდიჭყჷ მსახურება.

თეშ უკულ 25 წანაშ დინახალე ჯიმა კუკი შხვადოშხვა დავალებეფს ასრულენდჷ მუჭოთ სტამბას თეშ ბეთელიშ შხვა განყოფილებეფს. 1996 წანას თიქ ოსურო ქიმიჸონ ჯეიმ დო თინეფქ უოლკილიშ ბეთელს გაგრძელეს მსახურება. 2009 წანაშ დეკემბერს პატერსონსშა, (ნიუ-იორკი) „გინაჯინალ კოშკიშ“ ოგურაფალ ცენტრტრშა გეგნიჸონეს, სოდეთ ჯიმა კუკი სამწერლო კორესპონდენციაშ განყოფილებას დანიშნეს. 2016 წანაშ აპრილს თინეფ ჭიჭე ხანით კინ უოლკილშა გეგნიჸონეს; თეშ უკულ ბრუკლინიშ ბეთელს დანიშნეს. ხუთ თუთაშ უკულ, უორიკიშ ახალ მთავარ სამმართველოს დანიშნეს. 2017 წანაშ იანარს ჯიმა კუკი ხემძღვანელ საბჭოშ სამწერლო კომიტეტიშ დამხმარეთ დანიშნეს.