იესო ნავეშ სქუა რთულ პრობლემაშ წოხოლე გერე. თიქ ისრაელ ერი დაპირებულ ქიანაშა ოკო ენიჸუნას. იეჰოვა ამანგარენს დო გურშა ელუკინანს თის: „გაბედულება გეგმირჩქინ, გემანგარ დო შეასრულ მთელ კანონი. იკითხჷ თინა დღაშ დო სერით, ნამდა გურგედვალირო შეასრულე ირფელ, მუთ თექ ჭარ. თიმწკუმა გუგანწყუმუ შარა დო მიქციებუქ ჭკვერულო“ (იეს. 1:7, 8).

ჩქი „ბოლო დღალეფს“ ფცხოვრენთ, ათეშენ ცხოვრებაქ შილებე უმოსო გეუფრაშას (2 ტიმ. 3:1). იესო ნავეშ სქუაცალო, ჩქი ხოლო შემლებნა გივორჯგინათ პრობლემეფს, მუჟამსით ქიმვაჸუნუთ თი რჩევას, ნამუთ იეჰოვაქ თის მეჩჷ. ჩქი ირ დღას ოკო იპკითხათ ბიბლია დო გიმიბრინუათ თექ მოჩამილ პრინციპეფ სირთულეეფიშ დროს.

შილებე ბრელქ თქუას, ნამდა ოძნელ ბიბლიაშ გურაფა, მარა პირად გურაფაშ ჩატარება მნიშვნელოვან რე. ჩარჩო „გეგმირინეთ თე რჩევეფი“ მიგეხვარებნა ბიბლიაშ გურაფაქ უმოს სასიამოვნოქ დო ეფექტურქ ქიჸუას.

„გილამჸუნ სქან მცნებეფიშ შარეფით, მუშენდა თენა მოსიამოვნჷ“, — იჩიებ ფსალმუნმაბირე (ფსალმ. 119:35). თქვა ხოლო შეილებნა ისიამოვნათ ღორონთიშ სიტყვაშ გურაფათ. ბიბლიაშ გურაფაშ დროს ბრელ საინტერესო დო გურიშემაკინალ აზრეფს შეხვადუთ.

მართალ რე, იესო ნავეშ სქუაცალო ისრაელეფშა ვაგაფნა ოხემძღვანელებელ, მარა თქვა ხოლო შეხვადუთ შხვადოშხვანერ პრობლემეფს. თაშ ნამდა, იესო ნავეშ სქუაცალო ირ დღას იკითხით ღორონთიშ სიტყვა დო გეგმირინეთ ნაგურეფ. თაშ ქიმიქციებუთ-და, ირიათო გონივრულ გადაწყვეტილებეფს მიღენთ.