1. მუშ საშვალებას მარზენა ბირა?

ართ პოპულარულ ლირიკოსიქ თქუ: „სიტყვეფ ფიქრის დუგოჭყაფუანს, მუსიკა — გრძნობეფს ორჩქინანს, მარა ბირა — ჟირხოლოწკუმა მოქმედენს“. ჩქინ ობირეშეფით ზეციერ მუმას ვადიდენთ, თიშ ჸოროფას გიმოფხანტუნთ დო დუც უმოს ხოლოს ბგინაფლენთ თიწკუმა. თავრეშე იძირე, ნამდა ობირეშეფს მნიშვნელოვან ადგილ უკებ თაყვანიშცემას, ვა უღუ მნიშვნელობა ხვალე იბიბრთ დო ვარ შხვეფწკუმა ართო კრებაშ შეხვალამეფს.

2, 3. ა) მუს ფიქრენს ნამთინე კრებაშ შეხვალამეფს ხონარმაღალო ბირაშენ? ბ) მუ კითხვეფს გუვარჩიენთ?

² უხერხულ ხომ ვა გაფნა კრებას ხონარმაღალო ბირა? ნამთინე კულტურას კოჩეფს ოონჯღორნა შხვეფიშ გასაგონო ბირა. თე ირფელქ შილებე კრებაწკუმა ქიმოქმედას, განსაკუთრებულო თი დროს, მუჟამსით ბირაშ დროს პასუხიშმგებელ ჯიმალეფ შხვა საქმეეფს ორთნა ვარდა დუც არიდანა თეს (ფსალმ. 30:12).

³ ობირეშეფ თაყვანიშცემაშ ნაწილო ქიმმორჩქუნან-და, თე დროს გალე ვეგმურთ დო ვამკვოჩირთუთ შეხვალამაშ თე ნაწილს. თაშ ნამდა, არძაქ ქოპკითხათ ჩქინ დუც: მუჭო ვუჯინექ კრებაშ შეხვალამეფიშ დროს ბირას? მუჭო გივორჯგინა  უხერხულობას, ნამუთ მოცილ ხიოლით იბიბრე ობირეშეფი? მუჭო შემლებ ობირეშეფიშ მთელ გურით ბირა?

4, 5. მუ ადგილ უკინებუდ ობირეშეფს იეჰოვაშ თაყვანიშცემას ჯვეშ დროს?

⁴ იეჰოვაშ ართგურ მსახურეფ ირიათო გიმირინუანდეს ობირეშეფს თაყვანიშცემაშ დროს. საინტერესო რე თინა, ნამდა მუჟამსით ისრაელეფ იეჰოვას ართგურო ომსახურდესინ, ობირეშეფიშ ბირას მნიშვნელოვან ადგილ უკებუდ თინეფიშ თაყვანიშცემას. მაგალთო, მუჟამსით დავითიქ ტაძარიშ ოშენებელო მოხაზირება ქიდიჭყუნ, თიქ 4 000 ლევიანი ქიგიორინუ, ნამდა მუსიკათ განადიდესკო იეჰოვა. თინეფშე 288 კოჩ მაბირეთ რდუ გერნაფილ დო თე საქმეშო ჯგირო რდეს მომზადებულ (1 მატ. 23:5; 25:7).

⁵ ტაძარიშ მეძღვინუაშ დროს მუსიკას დო ბირას მნიშვნელოვან ადგილ უკებუდ. ბიბლიას ჭარ: „ხეთეშე, მუჟამსით მესაყვირეფქ დო მაბირეფქ იეჰოვა ართო განადიდეს დო თიშ მარდულობა გეგმოხანტესინ, საყვირეფით, წინწილეფით დო შხვა მიოგამალეფით განადიდეს იეჰოვა . . . მუშენდა იეჰოვაშ დიდებაქ ეიოფშ ჭეშმარიტ ღორონთიშ ჸუდე“. თენა ხალხის რწმენას გუმანგარენდ (2 მატ. 5:13, 14; 7:6).

6. მუჭო განადიდეს იეჰოვა განსაკუთრებულ ობირეშით ნეემიაშ დროს?

⁶ მუჟამსით ნეემია იერუსალიმიშ კიდალეფიშ აშენებაშ საქმეს ხემძღვანელენდუნ, თიქ ლევიან მაბირეფ ხოლო ქიგიორინუ შხვადოშხვა მუსიკალურ ინსტრუმენტეფით. იერუსალიმიშ კიდალეფიშ მეძღვინუაშ დროს, განსაკუთრებულ მუსიკა შეასრულეს, თენა მანგარ სახიოლო რდუ ხალხშო. მაბირეეფიშ ჟირ გუნდი სიმარდულიშ ობირეშის იბირდ. თინეფქ შხვადოშხვა მხარეშე მოლართეს დო ართიანს ტაძარიშ ხოლოს, კიდალაწკუმა აკოხვადეს. თინეფიშ ბირაშ ხონარ შორშე ხოლო ირჩქილედ (ნეემ. 12:27, 28, 31, 38, 40, 43). მუშო ოკო რაგად, იეჰოვას მანგარო ახიოლედ თიშ ძირაფა, ნამდა მუშ თაყვანიშმცემელეფ შურდოგურით უბირდეს თის.

7. მუჭო ოძირუ იესოქ, ნამდა ობირეშეფს მნიშვნელოვან ადგილ უკინებუდ ქრისტიანეფიშ თაყვანიშცემას?

⁷ მუსიკას მნიშვნელოვან ადგილ უკინებუდ პირველ საუკუნეშ ქრისტიანულ კრებას ხოლო. კაცობრიობაშ ისტორიაშ არძაშ უმოს მნიშვნელოვან სერს, იესოქ დო მუშ მოწაფეეფქ უფალიშ გოშინაშ ონჯუაშ აღნიშნებაშ უკულ ღორონთიშ ოდიდებელ ქიბირეს (წეკითხით მათე 26:30). *

8. ობირეშეფიშ ბირაშ მუ მაგალით დომტუეს პირველ საუკუნეშ ქრისტიანეფქ?

⁸ ობირეშეფით ღორონთიშ განდიდებაშ ჯგირ მაგალით დომტუეს პირველ საუკუნეშ ქრისტიანეფქ. ღორონთშა თაყვან ქუცემდესკონ თიშენ, ართიანიშ ჸუდეეფს იშაყარდეს. თე ჸუდეეფ იერუსალიმიშ ტაძარცალ დიდებულ ვა რდუ, მარა ღორონთიშ ოდიდებელს თექ ხოლო იბირდეს. პავლე მოციქულქ ქრისტიან ჯიმალფს თეცალ მითითება მეჩ: „ქუდაგურეთ დო ქიგიოწურეთ ართიანს ფსალმუნეფით, ღორონთიშ ოდიდებელეფით, ჰამო სულიერ ობირეშეფით დო თით, ნამდა მთელ გურით უბირთ იეჰოვას“ (კოლ. 3:16). თაშ ნამდა, ობირეშიშ წიგნის მოჩამილ „სულიერ ობირეშეფ“ მარდულობათ ეფშა გურით ოკო იბიბრათ. ობირეშეფ მიშურს თი სულიერ საზრდოშა, ნამუსით „ართგურ დო გონიერ მონა მარზენა“ (მათ. 24:45).

9. ა) მუშენ შილებე ნამთინეს უხერხულ აფდას კრებეფს ვარდა კონგრესეფს ხონარმაღალო ბირა? ბ) მუჭო ოკო იბიბრათ იეჰოვაშ ოდიდებელ ობირეშეფ დო მიქ ოკო მუჩან თეშ მაგალით? (ქოძირით სურათ მა-3 გვერდის).

⁹ შილებე თქვან ოჯახის ვარდა კულტურას ბირა უხერხულო მიორჩქუდან. მუჟამსით რადიოს ვარდა ტელევიზორს პროფესიონალ მაბირეეფს ურჩქილეთინ, შილებე თქვან ხონარ თინეფიშ გინაწონს მუთუნო ვემირჩქინათ. მარა ვაგმოჭყორდან, ნამდა ობირეშეფით იეჰოვაშ განდიდება ჩქინ მოვალეობა რე. თაშ ნამდა, ქიდეკინით ობირეშეფიშ წიგნი, ქეუკინით დუც დო მთელ გურით ქიბირით! (ეზრ. 3:11; წეკითხით ფსალმუნი 147:1). * ბრელ სამეფო დარბაზის, ობირეშეფიშ ტექსტის ეკრანს ვორწყეთ, მუთ მოხვარნა ხონარმაღალო იბიბრათ. საინტერესო რე, ნამდა სამეფო მსახურებაშ სკოლაშ პროგრამაშა, ნამუსით უხუცესეფ მიკმულან, ობირეშეფიშ ბირა ხოლო რე მიშულირი. თავრეშე იძირე, ნამდა თინეფქ კრებაშ წევრეფს ბირაშ მაგალით ოკო მეჩან.

10. მუ ოკო ფშუდან ხონარმაღალო ბირაშა ქუმოშქურნან-და?

¹⁰ ბრელს ოშქურ ხონარმაღალო ბირაშა, მუშენდა ფიქრენს, ჯგირ ხონარ ვა უღუ დო მუშ ხონარ გლახათ ქორჩქინდუ. მარა ვაგმოჭყორდან ოკო, ნამდა რაგადიშ დროს ხოლო „არძა ხშირას ფჩირთუთ“ (იაკ. 3:2). თეშ უმკუჯინუო, ჩიებაშე ვარიას მითინ ვეჩიებ. თაშ ნამდა, ჯგირო ვა მაბირენან თიშ გურშენ, ვარია ოკო ვა ფთქუათ იეჰოვაშ ოდიდებელ ობირეშეფიშ ბირაშე!

11, 12. მუ მიგეხვარებნა უჯგუშო იბირათ?

¹¹ შილებე ბირა თიშენ ხოლო მოუხერხულდან, ნამდა ვა მიჩქუნა, მუჭო იბიბრათ. მარა ნამთინე რჩევას გეგმიბრინუანთ-და, უჯგუშო შემალებენა თენა. *

 ¹² სწორაშე სუნთქვა მიგეხვარებნა უმოს უჯგუშო დო ხონარმაღალო იბირათ. მაგალთო, ლამპოჩკაშ ეიორზამალო დენ რე საჭირო, თეგვარო ბირა დო ჩიებაშო ხოლო სუნთქვა რე საჭირო. მნიშვნელოვან რე თიშნერ ხონარით იბირათ, მუჭომ ხონარშა იჩიებუთინ ვარდა ჭიჭე უმოს ხონარმაღალო (ქოძირით თეოკრატიულ სკოლაშ სახემძღვანელო, გვ. 181, პირველ ქვესათაური). ნამთინე ბიბლიურ მუხლის ხოლო რე მოჩამილ, ნამდა იეჰოვაშ მსახურეფქ ხონარმაღალო დო ხიოლით ოკო იბირან (ფსალმ. 33:1—3).

13. მუ მიგეხვარებნა უმოს თამამას იბირათ?

¹³ პირად გურაფაშ ვარა ოჯახურ თაყვანიშცემაშ დროს შეილებნა თაშ ქოქიმნათ: გეგშაგორით არძაშ უმოსო გიჸორან ფერ ობირეში. ხონარმაღალო წეკითხით ტექსტი. თეშ უკულ, კინ ხონარმაღალო წეკითხით ართ წინადადება ართ ეშასუნთქებათ. ბოლოს ხონარმაღალო ქიბირით თე წინადადება (ეს. 24:14). თეშნერო უმოს თამამას შეგალებენა ბირა. თაშ ნამდა, დღას ვა გაშქურნან დო უხერხულს ვენოლათ!

14. ა) მუ მიმეხვარებნა უმოს ხონარმაღალო ბირას? (ქოძირით ჩარჩო „მუჭო შემლებნა უჯგუშო ბირა“). ბ) თაქ მოჩამილ ნამ რჩევაქ იჸუ თქვანო მოხუჯურქ?

¹⁴ ხონარმაღალო ბირა ვეშქალებენა, პიჯ თავისფალ ვა გაფნან-და. თეს გეძინელ, ჭიჭეთ უმოს მეტ განჯით პიჯ, ვინემ თეს ჩიებაშ დროს ორთუთ. მუშ კეთება შეილებნა, მუჟამსით სუსტ ვარდა ნაბეტან მაღალ ხუმა გიღნა? თეშ გურშენ რჩევეფ შეილებნა ქოძირათ თეოკრატიულ სკოლაშ სახემძღვანელოს მოჩამილ “ჩარჩოს, გვ. 184.

„პენსილვანიაშ ბიბლია დო ტრაქტატეფიშ საზოგადოება გინაჯინალ კოშკიშ“ 2016 წანაშ ირწანიან შეხვალამას, მანგარ სახიოლო რდუ ხემძღვანელ საბჭოშ წევრიშ, ჯიმა სტივენ ლეტიშ გიშულა. თიქ გეგმაცხად, ნამდა მალას გიშელენდ ახალ ობირეშეფიშ წიგნი, „ხიოლით  ქუბირით იეჰოვას“. მუჭოთ ჯიმა ლეტიქ თქუნ, თე წიგნიშ გიშაშქუმალაშ მიზან რდუ, თანხმობას ქოჸოფედკო „ახალ ქიანაშ“ გინომუშებულ თარგმანწკუმა. ობირეშეფიშ ახალ წიგნშე გეშიღეს თიცალ სიტყვეფი, ნამუთ 2013 წანაშ გინომუშებულ „ახალ ქიანაშ თარგმანს“ ვა რდუ გიმორნაფილი. თეწკუმა ართო, ახალ ობირეშეფიშ წიგნის ქიგიაძინ ობირეშეფქ, ნამუთ ქადაქებას დო გიშაჸიდირალიშ სიმარდულს ოხუ. ობირეშეფს ჩქინ თაყვანიშმცემლობას მნიშვნელოვან ადგილ უკებ, ათეშენ ხემძღვანელ საბჭოს ოკოდ ხარისხიან წიგნიშ გიშაშქუმალა. თე წიგნი ირნერო მოგენს „ახალ ქიანაშ თარგმანიშ“ გინომუშებულ გიშაშქუმალას.

16, 17. მუქ ითირ ახალ ობირეშეფიშ წიგნის?

¹⁶ თე წიგნიშ გიმორნაფა რთულ ვა ჸოფედკონ თიშენ, ობირეშეფ თემატურო რე დონწყილი. მაგალთო, პირველ 12 ობირეშ იეჰოვას განადიდენს, უკულიან 8 ობირეშ იესოს დო გიშაჸიდირალს ოხუ. წიგნის მოჩამილ რე თემეფიშ ოგორალ სია, ნამუთ მიმეხვარებნა ხეთეშე დობგორათ მოკონან თი ობირეში. თენა არძაშ უმოსო თიმწკუმა მეხვარებ ჯიმალეფს, მუჟამსით საჯარო მოხსენებაშო გიშმაგორნა ობირეშეფს.

¹⁷ ჩქინო უმოს გასაგებ ქოჸოფედკონ, ობირეშეფიშ ტექსტი გეგნამუშეს დო გეშიღეს თიცალ სიტყვეფ, ნამუსით ამდღა ვეგმირინუანა. თე ირფელიშ ჭყოლოფუათ შემლებნა მთელ გურით იბიბრათ. თეს გეძინელ, დოთირეს ნამთინე ობირეშიშ სათაური. მაგალთო, ობირეშ, „დეცვით თქვან გური“, დოთირეს სათაურით — „დეფცვათ ჩქინ გური“. მუშენ ითირ თექ? მუჟამსით თე ობირეშის იბირდესინ, თეშ იძირედ, ნამდა პიროვნება შხვას ოგურუანდ, მუჭო მიქცუკონ. თენა უხერხულს ინმაჸათანდ ახალგაზრდეფს, დაინტერესებულეფს, დალეფს დო თინეფს, მით პირველო ოსწრუდეს კრებაშ შეხვალამეფს ვარდა კონგრესეფს. თაშ ნამდა, ნამთინე ობირეშიშ სათაურქ დო ტექსტიქ დითირ.

18. მუს მიმეხვარებნა ახალ ობირეშეფიშ დოგურაფა? (ქოძირით სქოლიო).

¹⁸ ახალ ობირეშეფიშ წიგნიშე, „ხიოლით ქუბირით იეჰოვას“, ბრელ ობირეშ ლოცვას მოგენს. თინეფიშ ბირათ შემლებნა იეჰოვაწკუმა გრძნობეფ გეგმოფხანტათ. შხვა ობირეშეფ მიმეხვარებნა ჸოროფაშ გიმორჩქინას დო ჯგირ საქმეეფიშ კეთებას (ებრ. 10:24). მუშო ოკო რაგად, მოკონა ჯგირო მიჩქუდან ჩქინ ობირეშეფიშ მელოდია, რიტმი დო ტექსტი. თენა შემალებენა, მუჟამსით ქუმურჩქილუანთ ჩქინ ვებ-გვერდის მოჩამილ ობირეშეფს, ნამუსით მაბირეეფიშ გუნდი იბირს. ჸუდეს ქივარჯიშენთ-და, შეგალებენა მთელ გურით დო ხონარმაღალო ქიბირათ. *

19. მუჭო შეულებ კრებაშ არძა წევრის თაყვანიშმცემლობაშა მონაწილებაშ მეღება?

¹⁹ ქორშუდან, ნამდა ობირეშეფს ჩქინ თაყვანიშცემას მნიშვნელოვან ადგილ უკებ. თეშ საშვალებათ შემლებნა იეჰოვაწუმა სიმარდულიშ დო ჸოროფაშ გიმოხანტუა (წეკითხით ესაია 12:5). * მუჟამსით ობირეშეფს ხიოლით იბიბრთინ, შხვეფს ხოლო აჸინა ბირაშა გური. დასურო, კრებაშ წევრეფს, ახალგაზრდეფს, ხანშამიშულირეფს დო დაინტერესებულეფს ხოლო შეულებნა ობირეშეფიშ ბირათ თაყვანიშცემას მიღან მონაწილება. ხიოლით ქიმიაჸუნით ბიბლიას მოჩამილ სიტყვეფს: „ქუბირით იეჰოვას!“ (ფსალმ. 96:1). თაშ ნამდა, დღას ვა თქუათ ვარია ბირაშე!