წოხოლე უჯგუშ მომავალ მელნა!

„ხოლო ჭიჭე დო ვეჸუაფ უბადო; ქიდეკვირებუქ თიშ ადგილს დო ვეჸუაფ თინა. თვინიერეფ დემკვიდრენა დედამიწას დო გეხარებნა დიდ მშვიდობათ“ (ფსალმუნი 37:10, 11).

გოკონანო, თქვან თოლით ძირათ თე წინასწარმეტყველებაშ შესრულება? მუშო ოკო რაგად, თაშ რე. ჩქი ბრელ საფუძვლიან მიზეზ მიღნა ბჯერდან, ნამდა თენა მალას მოხვადუ.

წოხლენ სტატიეფს ხვალე თი მუსხირენ წინასწარმეტყველებაშე იფჩით, ნამუთ არგამათ ოძირანს, ნამდა „ბოლო დღალეფს ფცხოვრენთ“ (2 ტიმოთე 3:1—5). ღორონთიქ ბიბლიაშ მაჭარალეფ აღძრჷ, დოჭარესკო თე წინასწარმეტყველებეფ, ნამდა მომავალიშ იმენდ ნობღვედესკო (რომაელები 15:4). თე წინასწარმეტყველებეფიშ შესრულება თის ოძირანს, ნამდა ამდღარ ტანჯებას მალას მეღებუ ბოლო.

მუ მოხვადუ ბოლო დღალეფიშ ბოლოს? ღორონთიშ სამეფო იმართველენს ადამიანეფწკუმა (მათე 6:9). მორთ გუვარჩუათ, მუნერ პირობეფ იჸუაფ თი დროს დედამიწას:

● ვეჸუაფ შქირენა. „ხვეიანო იჸუაფ მარცვლეულ დედამიწას, გვალაშ წვანდეფს ხოლო ხვეიანო იჸუაფ“ (ფსალმუნი 72:16).

● ვეჸუაფ ლახალა. „ნამთინ მახორუ ვა თქუანს ლეხ ვორექია“ (ესაია 33:24).

● დედამიწა გეახალებ. „გოფალუნს უდაბნო დო ხიროკილ დიხა, ხიოლ აღვენუ მითინ ვახორანსინ ფერ ადგილს დო ყვინთელპირცალო გოპეულანს“ (ესაია 35:1).

თენა ხვალე მუსხირენ რე თი გურიშემაქექაფალ წინასწარმეტყველებეფშე, ნამუთ მალას შისრულებ. ქოკითხით იეჰოვაშ მოწმეეფს, მუშენ რენა თაშ დარწმუნებულეფ, ნამდა წოხოლე უჯგუშ მომავალ მელნა.