2. შქირენა

„ვეჸუაფ დასაბაღ ოჭკუმალ“ (მარკოზი 13:8).

● ართ კოჩ ნიგერიაშ სოფელ კვარატაჯის დუდიშგითაფორაფალს გორუნს. თიშ და დო ჯიმალეფ დო ბიძისქუალეფ ხოლო თექ შხვადოშხვა კუნთხუშე ინულა, ნამდა შქირენას გეგნუსქიდან. თე კოჩ დიხას გეჸოთამილ ნოხის ხვალე გეჯან. მუშენ რე თინა ხვალე? სოფელიშ დუდკოჩ, სიდი იჩიებ: „თის ოჯახ ვეიაჯუმე [ოჯახიშ წევრეფ] დო ათეშენ თოლშა ვენაჯინე თინეფშა“.

მუს ოძირანს თე ფაქტეფ? მთელ მსოფლიოს ირდღას 7-შე ართ ადამიანს ვა უღჷ დასაბაღ ოჭკუმალ. უმოს გლახა მდგომარეობა რე საჰარაშ უდაბნოს (აფრიკა), სოდეთ 3-შე 1 ადამიან ქრონიკულ შქირენას გენიცადენს. თე სიტუაცია თოლშა ქეწიბრინუათინ, წერმიბდგინათ ართ ოჯახ — მუმა, დიდა დო სქუა. თინეფს ხვალე ჟირ კოჩშო დასაბაღ ოჭკუმალ ქუღნან-და, ნამ დოსქიდუ ოჭკუმალიშ უმშო? მუმა, დიდა დოვარ სქუა? თეცალ ოჯახეფს ირდღას უხვადნა თე გადაწყვეტილებაშ მეღება.

გავრცელებურ შეხედულება. დედამიწას თიშეთ ბრელით უმოს ოჭკუმალ რე, ვინემ საჭირო რე. თე მარაგის უბრალოთ სწორაშო განაწილება ოსაჭირ.

ქორენო თე შეხედულება მართალ? მართალ რე, ნამდა ადამიანეფს ამდღა ბრელით უმოს პროდუქტიშ წარმოება დო ტრანსპორტირება შეულებნა, ვინემ ულირ წანეფს. სახელმწიფოეფს პროდუქტეფიშ სწორაშე განაწილება ქეშიალებედანინ, შქირენა ვეჸუაფუდ. თინეფ უკვე ვითობით წანა რე ოცადნა თე პრობლემაშ მოგვარებას, მარა ტყურელო.

თქვა მუჭო ფიქრენთ? ქისრულებ დო ვარ მარკოზიშ 13:8-ს ინოჭარილ სიტყვეფ? თიშ უმკუჯინუო, ნამდა თანამედროვე ტექნოლოგიაქ გევითარ, გეგნიჭკირუო შქირენაშ გლობალურ პრობლემაქ?

მიწისძვრეფ დო შქირენა ბოლო დღალეფიშ ხოლო ართ-ართ პრობლემაშ მიზეზ რე.

[ჩანართი 5 გვერდის]

„პნევმონიათ, დიარეათ დო შხვა ლახალეფით ღურელ ბაღანეფიშ ნასუმორს თენა ვაღოლედ, შქირენაშ გურშენ ძალა ეშალიებურეფ ვა ჸოფედესკო“ (ენ ვინემენი, გაეროშ ბაღანეფიშ დახმარებაშ ფონდიშ ყოფილ დირექტორ).

[სურათიშ საავტორო უფლება 5 გვერდის]

© Paul Lowe/​Panos Pictures