4. ჸოროფაშ სინაკლებე

„ხალხ იჸუაფ ... ჸოროფას ვეგმირჩქინანსინ ფერ“ (2 ტიმოთე 3:1—3).

● კრის, ჩრდილოეთ უელსის ოჯახურ ძალადობაშ შედეგო დაზარალებურეფიშ დახმარებაშ ცენტრის მუშენს. თინა იჩიებ: „ფშუ, ართშა ჩქიმ ნაჩინებ ოსურ თეშ რდუ ლახირ, ნამდა ვამაჩინებუ, მუჟამსით მოხვარაშ ოთხუშა ჩქინდა მორთჷ. ნამთინე ემოციურო თეშ რე განადგურებულ, ნამდა ჩიებაშ დროს დუდ გიმოკინელ აფჷ“.

მუს ოძირანს თე ფაქტეფ? გამოკითხვაშ შედეგო ქიძირ, ნამდა აფრიკაშ ართ ქიანას, სოდგარენ 3-შე ართ ოსურ ბაღანობას გაუპატიურეს. თეს გეძინელ, თიქ ხოლო ქიძირ, ნამდა თე ქიანეფს კოჩეფიშ ნასუმორ მუნეფიშ ოსურეფიშ ლახუას ნორმალურო მირჩქინანს. მარა ოჯახიშ წევრეფშე ძალადობაშ მსხვერპლ ხვალე ოსურეფ ვა რენა. მაგალთო, კანადას 10-შე 3 კოჩის მუნეფიშ ოსურეფ ლახნა.

გავრცელებურ შეხედულება. ოჯახის ძალადობა ირიათო არსებენდჷ. უბრალოთ, ულირ წანეფიშ გინაწონს თეცალ ფაქტეფს ამდღა უმოსო აქციენა ყურადღებას.

ქორენო თე შეხედულება მართალ? ბოლო წანეფს ოჯახურ ძალადობაშ გურშენ ინფორმაცია უმოსო ივრცელებ. მარა მირკუო თეშ გურშენ ძალადობაშ შემთხვევეფიშ რაოდენობაქ? შუროთ ვარ. ამდღა არძაშ უმოს არგამათ იძირე, ნამდა მთელ მსოფლიოს რე ჸოროფაშ სინაკლებე.

თქვა მუჭო ფიქრენთ? ქისრულებუნო 2 ტიმოთეშ 3:1—3-ს მოჩამილ ბიბლიურ წინასწარმეტყველება? ქუღუნო ხალხიშ უმენტაშის ჸოროფაშ სინაკლებე, მუნეფიშ ოჯახიშ წევრეფიშ მიმართ?

მახუთა წინასწარმეტყველებაშ შესრულება, ნამდგას თქვან თოლით ორწყეთ, ჩქინ პლანეტა, დედამიწაწკუმა რე დაკავშირებულ. ქობძირათ, მუს იჩიებ ბიბლია თე საკითხწკუმა დაკავშირებით.

[ჩანართი 7 გვერდის]

„ოჯახის მოხვალამირ ძალადობა ართ-ართ არძაშ უმოსო ფულირ დანაშაულო ითვალუ. ოსურ, ნამუთ მოხვარაშ ოთხუშა პოლიციაშა მეურს, თეიშახ საშუალოთ 35-შახ იშენ აფჷ ქომონჯის ნალახა“ (ოჯახურ ძალადობაშ დაზარალებურეფიშ დახმარებაშ ცენტრიშ წარმომადგენელ, უელსი).