„ბაღანა ვორდინ, ჩქიმ უნჩაშ ჯიმა ირ დღას ფსიქოლოგიურო დო სიტყვიერო მამცირენდჷ. გათხუალაშ უკულ დიანთილქ გაგრძელ თეშ კეთება დო ჩქიმ მუანთილწკუმა ართო ჟირხოლო მონაცალო მოქცუდეს. შედეგო, დუდიშ ჸვილუაშე ფიფქრენდჷ“ (მადუ, a ინდოეთ).

 „ოსურკათაშა ძალადობა მთელ მსოფლიოს რე მოდვალირ“ — აცხადენს „ჯანდაცვაშ მსოფლიო ორგანიზაცია“. მუჭოთ იჩიებუნან, ირ მასმა ოსურკოჩ რე ფიზიკურ დო სექსუალურ ძალადობაშ მსხვერპლ ცხოვრებაშ მუდგარენ მომენტის.

 თენა თქვან შემთხვევას ხოლო თაშ ქორენ-და, ალბათ დუდის თეშ გინაფლენდათ იჸი, ითამ სოდგა ვედათინ, მიდგანქ შილებე სიტყვიერო, ფიზიკურო ვარდა სექსუალურო დუგამცირან. რახანს ოსურკათას თაშ ოქცუნან, შილებე იფიქრათ, ნამდა ბრელს მუთუნო ვემიორჩქ ოსურკათა. მარა, ღორონთის ხოლო თაშ ფიქრენსო?

 ბიბლია იჩიებ: „[ღორონთიქ] ოსურო დო კოჩო გაჭყჷ თინეფ“ (დაბ. 1:27).

 მთავარ აზრ: ღორონთიქ გაჭყჷ ოსურკოჩ დო ქომოლკოჩ. თინა ჟირხოლოს პატიცემაშ ღირსო თვალუნს. თეწკუმა ართო, ქომონჯშე ელჷ, ნამდა „უჸორდას მუშ ოსურ, მუჭოთ მუშ დუდ“ დო ოკო ვეცადას თიშ გაკონტროლებას, ვართ გლახა სიტყვეფ უწუას დო ვარ ფიზიკურო დამცირას (ეფესოელები 5:33; კოლოსელები 3:19). არგამათ იძირე, ღორონთშო ოსურკათაშ უსაფრთხოება მნიშვნელოვან რე.

 „ბაღანობას ხოლოშიან კათა სექსუალურო ძალადენდჷ ჩქიმდე. 17 წანერ ვორდჷ, მუჟამსით დამსაქმებელ მორცქინანდჷ, ნამდა თიწკუმა სექს ვა მაღვენუდ-და, სამუშაშე გომტენდჷ. ახალგაზრდობას პატის ვა ფცენდჷ ვართ ქომონჯ, ვართ მშობლეფ დო ვართ მეზობელეფ. მარა უკულ იეჰოვა b გეფჩინებაფე. თინა პატის ცენსჷ ოსურკათას. თექ დუმარწმუნ, ნამდა ღორონთის უჸორქ დო თიშ თოლს ძვირფას ვორექ“ (მარია, არგენტინა).

 ბიბლია იჩიებ: „ნამთინე მეგობარ ჯიმაშე უმოს ხოლოშიან რე“ (იგავები 18:24).

 მთავარ აზრ: ნამდვილ მეგობარ ხუჯის გიკინენა. შეიოლებერ ქორენ-და, თქვან გრძნობეფიშ გურშენ ქუდურაგადეთ თის.

 „20 წანაშ დინახალე მითინშა ვამთქუალ, ნამდა სექსუალურ ძალადობაშ მსვერპლ ვორდჷ. შედეგო, უბედურო ბგინაფლენდჷ დუდის, გაღიზიანებულ ვორდჷ დო დეპრესია მიღუდ. მარა, მუჟამსით მუთ იჸუ ქივეჩი ჩქიმ ამბე თიცალ პიროვნებას, მიდგას მართალო უღუდ სურვილ ქუმომრჩქილუკო, გურს მანგარო ემაშკვჷ“ (ელიფ, თურქეთ).

 ბიბლია იჩიებ: „არძა თქვან ოწუხებელ თის [იეჰოვას] მიანდით, მუშენდა თინა ზრუნენს თქვანო“ (1 პეტრე 5:7).

 მთავარ აზრ: მუჟამსით ლოცულენთ, ღორონთ მართალო გირჩქილენა (ფსალმუნი 55:22; 65:2). თიშო ძვირფას რეთ, ათეშენ, შეულებ მიგეხვარან თიშ ინონჭაფას, მუსხით მნიშვნელოვან რეთ თიშო.

 „იეჰოვაშ გაჩინებაფაქ მიმეხვარ თი ემოციურ ჭუეფიშ ჩათხინაფას, ნამუთ ეთოპჸუნდჷ. ასე შემლებ ლოცვას იეჰოვას გურ გოუნწყე. თინა მეგობარცალ რე, ნამუთ ინანჭუ სქან გრძნობეფს“ (ანა, ბელიზი).

 ბიბლია იჩიებ: „იეჰოვა . . . სი გურჩქინანქ სამართალს ომბოლს დო დაჩაგრულს, ნამდა მეტო ვაშქურნუას თინეფ დედამიწაშ მახორუქ, ცოდამ კოჩიქ“ (ფსალმუნი 10:17, 18).

 მთავარ აზრ: ღორონთ მალას ბოლოს მუღენს ირნერ უსამართლობას, თინეფ შქას ოსურკათაშ მიმართ სისასტიკეს დო ძალადობას.

 „დუმამშვიდჷ თიშ გაგებაქ, ნამდა იეჰოვა მალას მუღენს ბოლოს ოსურკათაშ დო ბაღანა ძღაბეფიშ ჩაგრებას. თეშ რჩქინა ემოციურო მამშვიდენს“ (რობერტა, მექსიკა).

 შილებე გოინტერესუდან, მუ იმენდის მარზენა ბიბლია, მუშენ შემლებუნა ბჯერდან თიშ დუნაპირებუეფიშ დო მუჭო შეულებნა იეჰოვაშ მოწმეეფს ჩქინ მოხვარა? თეშ გაგებელო, მითხით უფასო ვიზიტ

 შეილებუნა გეგნოჭარათ თე სტატიაშ ობეჩტალ ვერსია.