2022 წანაშ 24 მესის ჭიჭე ქალაქ უვალდეს (ტეხასიშ შტატ, აშშ), ნინათ ვეიჭარენ ფერ ტრაგედიაქ მოხვად. მუჭოთ გაზეთ „ნიუ–იორკ ტაიმზის“ ჭარუდ: „შეიარაღებულ პიროვნებაქ 19 ბაღანა დო 2 მასწავლებერ ჸვილ“ ართ-ართ დაწყებით სკოლას.

 სანარღოთ, თეცალ გურსაჭუო მოვლენეფქ გეხშირ. ართ-ართ გაზეთის (USA Today) მოშინაფილ რდჷ, ნამდა ხვალე შეერთებულ შტატეფს, „ულირ წანას სკოლაშ ტერიტორიას შეიარაღებულ თავდასხმაშ 249 შემთხვევაქ მოხვად. თესხი შემთხვევა 1970 წანაშ უკულ ვა ჸოფე“.

 მუშენ ხვადუ თეცალ საშინელ შემთხვევეფ? მუჭო გავურზათ თეცალ უბადობას? ქოარსებენსო მუთუნნერ იმენდ, ნამდა თეცალ ძალადობას ბოლო მეღებუ? ბიბლია თე კითხვეფიშ პასუხის მარზენა.

•    ბიბლია ჩქინ დროს მიშინუანს მუჭოთ „ბოლო დღალეფს“, მუჟამსით უმენტაშ კათა იჸუაფუდ „სასტიკ“ დო „ჸოროფას ვეგმირჩქინანსინ ფერ“. თეცალ თვისებეფ უღუნ ფერ ხალხ „ხოლო უმოს უფრაშო“ მიქციებუდ (2 ტიმოთე 3:1—5, 13). თეშ გურშენ მეტიშ გაგებელო, წეკითხით ართ-ართ სტატია ჩქინ ვებგვერდის („იწინასწარმეტყველა ბიბლიამ, თუ როგორ იაზროვნებდნენ და მოიქცეოდნენ ადამიანები დღეს?“).

 ბრელს ოინტერეს, მუშენ უშვენს ღორონთ თიცალ ტრაგიკულ შემთხვევეფს, მუნერით რე შეიარაღებულ თავდასხმა სკოლეფს? შეილებნა ბიბლიაშ პასუხ ქოძირათ ჩქინ ვებგვერდის მოჩამილ ართ-ართ სტატიას („რატომ ატყდებათ უბედურება კარგ ადამიანებს?“).

•    „ირფელქ, მუდგაქ ადრე იჭარ, ჩქინ ოგურაფალო იჭარ, მუშენდა … წმინდა წერილეფშე მეღებულ გურიშექექაფათ მიღდან იმენდ“ (რომაელები 15:4).

 ბიბლიურ პრინციპეფს შეულებ მიგეხვარან, გაურზათ თე ძალადობათ ეფშა მსოფლიოს. მეტ ინფორმაციაშ მიოღებელო, ქოძირით ჟურნალ „გეგშაკურცხით!“ („შეწყდება ოდესმე ძალადობა?“).

 მუ შეულებნა აკეთან მშობლეფს ბაღანეფიშ დაცვებელო, მუჟამსით ჭიჭელეფ ახალ ამბეეფს საშინელ ტრაგედიეფს გებულენა? თეწკუმა დაკავშირებით, ქოძირით საინტერესო რჩევეფ ჩქინ ვებგვერდის მოჩამილ ართ-ართ სტატიას („საშინელი ახალი ამბები და თქვენი შვილები“).

•    „დაჩაგრება დო ძალადობაშე ირსხენს თინეფს“ (ფსალმუნი 72:14).

•    „თინეფ მუნეფიშ ყამეფშე ოხონალ იარაღეფს გეგშაჭკადუნა დო ჭვირთეფშე — ოცხონტალ იარაღეფს. ერ ერიშ წინააღმდეგ ვეჭოფუნს იარაღის დო ვედიგურუანა ჩხუპის“ (მიქა 4:3).

 ღორონთ გაკეთენს თიცალ მუდგარენს, მუდგაშ კეთება ადამიანეფს ვეშულებნა. თიშ ზეციერ სამეფო ბოლოს მუღენს არძანერ ოჩხუპებელ იარაღის დო არძანერ ძალადობას. თიშ გურშენ მეტ ინფორმაციაშ მიოღებელო, მუს გაკეთენს ღორონთიშ სამეფო, ქოძირით ართ-ართ სტატია ჩქინ ვებგვერდის («ღვთის სამეფოს მმართველობის დროს „იქნება დიდი მშვიდობა“»).