2023 წანაშ 27 იანარს ბრელ ადამიან აღნიშნენს ჰოლოკოსტიშ გოშინაშ საერთაშორისო დღას. თი უბადო ამბეეფიშ გოშინაშ დროს, ნამდგაქ 75 წანაშ წოხოლე მოხვად, შილებე იფიქრათ, მუშენ დუშვჷ ღორონთიქ ჰოლოკოსტ?

•   თეშ გურშენ მეტიშ გაგებელო წეკითხით სტატია: „მუშენ მოხვად ჰოლოკოსტიქ? მუშენ დუშვჷ თენა ღორონთიქ?“.

 ებრაელ ხალხ ჰოლოკოსტიშ მსხვერპლ რდჷ. მილიონობით კათა უდუნდებელო ჸვილეს. თეს გეძინელ, ხვალე თინეფს ვარინ, შხვეფს ხოლო თხოზუდეს დო ჸვილუნდეს ჰოლოკოსტიშ დროს. თინეფ შქას, იეჰოვაშ მოწმეეფს ხოლო, მიდგას თიშენ თხოზუდეს, ნამდა ბიბლიაშ წანდეს.

•   თეშ გურშენ მეტიშ გაგებელო წეკითხით სტატია: „მუ განსაცდელეფს შეხვადეს იეჰოვაშ მოწმეეფქ ჰოლოკოსტიშ დროს?“.

 ბრელს ოშქურ, ნამდა ჰოლოკოსტიშნერ მოვლენა კინ ქუმოხვადუ. საბედნეროთ, ბიბლია თიცალ მომავალს მოპირნა, მუჟამსით თეცალ ტრაგედიეფ ვა მოხვადუ.

•   „მიჩქჷ, მუთ მილამ თქვანო, — იჩიებ იეჰოვა, — მშვიდობა მილამ დო ვართ ხოლო უბედრობა; მოკო, ნამდა მომავალიშ იმენდ გიღდან“ (იერემია 29:11). a

 თე ირფელ თიმწკუმა შისრულებ, მუჟამსით ღორონთ ბოლოს მუღენს უბადობას დო მოსპუნს თიშ შედეგეფს. მალას თინა:

•   მოსპუნს თინეფს, მით შხვეფს აზარალენს (იგავები 2:22).

•   დასქილიდუანს თინეფს, მით იტანჯებუდ (გამოცხადება 21:4).

•   სიცოცხლეს დურთინუანს ღურელეფს (იოანე 5:28, 29).

 მუშენ შეილებნა ენდათ გურიშემაკინალ იმენდის, ნამდგას ბიბლია ირზენს? თეშ გაგებელო ელაიჩანთ, ქიდიჭყათ ბიბლიაშ გურაფა.