პირველ ქორწინებას იეჰოვა * ღორონთიქ მეჩუ დაჭყაფუ. ბიბლია მირაგადუნა, ნამდა პირველ ოსური გუმაჭყაფალქ გაჭყუ დო თინა „კოჩის ქიმუჸონ“. თექ ადამს მანგარო ახიოლ დო თეცალ მუდგარენ ქოთქუ: „აჸ, ძვალ ჩქიმ ძვალშე დო ხორცი ჩქიმ ხორცშე“ (დაბადება 2:22, 23). იეჰოვას ამდღა ხოლო ოკო, ნამდა დაქორწინებულეფი ბედნერეფ რდან.

მუჟამსით იქორწინებუდითი, ალბეთ ფიქრენდით, ნამდა ირფელ ცაცი ცალო გეინწყუაფუდ. მარა სინამდვილეს ცხოვრება ოძირანს, ნამდა მოჸოროფე ჩილ დო ქომონჯ შქას ხოლო შილებე პრობლემეფქ გემკორჩქინდას (1 კორინთელები 7:28). თე ბროშურაშე ქოძირუნთ ბიბლიურ პრინციპეფს; თე პრინციპეფს გეგმირინუანთ-და, ბედნერ ოჯახ გაღვენუნა (ფსალმუნი 19:8—11).

მუს იჩიებ ბიბლია: ქომონჯი ოჯახიშ დუდ რე (ეფესოელები 5:23).

ქომონჯეფი, იეჰოვა თქვანდე ელუ, ნამდა ჸოროფათ ქუმკაჯინეთ თქვან ოსურეფს (1 პეტრე 3:7). ღორონთიქ ოსური ქომონჯიშ გუმაფშაფალო გაჭყუ დო თის ოკო, ნამდა ქომონჯ მუშ ოსურს პატის ცენდას დო ჸოროფათ ოქცუდას (დაბადება 2:18). ქომონჯეფი, ოსურეფი თეშ ოკო გიჸორდან, ნამდა თქვან ინტერესეფიშ წოხოლე თინეფიშ გიორინუათ (ეფესოელები 5:25—29).

ოსურეფი, იეჰოვა თქვანდე ელუ, ნამდა თქვან ქომონჯეფიშ დიდ პატიცემა გაღვენუნა. მუჟამს თაშ ქიმიქციებუთინ, თინეფს ხეს ქეშუნწყუნთ, ნამდა ღირსეულო შეასრულან მუნეფიშ როლი (1 კორინთელები 11:3; ეფესოელები 5:33). ხუჯ ქუდუკინით ქომონჯიშ გინნაჭყვიდა საქმეს დო თის შურ დო გურით ქელუდირთით (კოლოსელები 3:18). თაქ მოჩამილ ზუკოლეფს ქიმიაჸუნუთ-და, თქვან ქომონჯის თქვან ოსხუნურ მითინ ვაჸვენუ დო იეჰოვაშ თოლს ხოლო დაფასებულ იჸუაფუთ (1 პეტრე 3:1—6).

მუ ოკო ქიმინათ:

• ქოკითხით თქვან ქომონჯის ვარა ოსურს, მუ ოკო ქიმინათ თიშო, ნამდა უჯგუშ მეუღლექ ქიჸუათ. გოცქვირინაფილო ქურჩილით დო ირფელ გაკეთით, გეუჯგუშათინ თიშენ.

• მუთვინით ართიანს. დრო ოკო თიშ დოგურაფას, მუჭო შეილებნა ართიანიშ ბედნერობას ხე შეუნწყუათ.

მუს იჩიებ ბიბლია: თქვა მეუღლეშ ჯგირობუაშო ოკო იზრუნათ (ფილიპელები 2:3, 4). ციცფუფურო მიკულეთ თქვან მეუღლეს; რშუდან, იეჰოვა მუშ მსახურეფშე ითხინს, ირ კოჩწკუმა ზრდილობიანეფ რდან (2 ტიმოთე 2:24). ბიბლიას პკითხულენთ: „უდუფიქრებუო რაგადი ყამაცალო ჭკირუნს, ბრძენიშ ნინა ოსქილიდუანს“. თაშ ნამდა, გურ ქუგუჩი მუდგას თქუანქინ (იგავები 12:18). იეჰოვაშ შური ქიმგეხვარებნა, თქვან პიჯშე თოფურცალ სიტყვეფი ეკმიშასინ (გალატელები 5:22, 23; კოლოსელები 4:6).

მუ ოკო ქიმინათ:

• სოიშა მეუღლეწკუმა სერიოზულ საკითხეფშე მუთუნს თქუანდათინ თეიშა ქილოცით, სიმშვიდე დო გონიერება ვემიოდინუათინ.

• ჯგირო დეფიქრით, მუს დო მუჭო თქუანთინ.

მუს იჩიებ ბიბლია: დაქორწინებაშ უკულ თქვა დო თქვან მეუღლექ „ართ ხორცო“ გინირთით (მათე 19:5). მარა თქვა იშენით ვა გუთ ართიანს დო ლოგიკურ რე, ნამდა შხვადოშხვა საკითხიშ გურშენ შხვადოშხვანერო ფიქრენდათ იჸი. თაშ ნამდა, ხანდა დო რჯება რე საჭირო თიშო, ნამდა ართ აზრიშ რდათ (ფილიპელები 2:2). მუთუნიშ გინაჭყვიდირალო აუცილებერ რე ართ აზრი გიღუდან. ბიბლიას ჭარუ: „გეგმეფი ელაჩამათ იმტკიცებუ“ (იგავები 20:18). მუჟამს მუთუნ მნიშვნელოვანს გინმოჭყიდუნთინ, გეგმირინეთ ბიბლიურ პრინციპეფი (იგავები 8:32, 33).

მუ ოკო ქიმინათ:

• მეუღლეს ხვალე ინფორმაცია დო თქვან აზრი ვეგნოჩათ, მუს გინაფლენთინ თიშენ ხოლო ქეჩით.

• სოიშა მუთუნ მნიშნველოვანს გინოჭყვიდუნდათინ, ქელაკითხეთ თქვან მეუღლეს.