ბიბლია იჩიებ, ნამდა ღორონთიშ სურვილ რე, ადამიანეფქ დუდ ეუჩილითუან „სიძვას“ (1 თესალონიკელები 4:3). ბიბლიას მოშინაფილ ტერმინს „სიძვა“ იგულისხმებ მრუშობა, ჰომოსექსუალიზმ დო სექსუალურ ურთიერთობა თინეფ შქას, მით ვა რენა დაქორწინებულ.

•  მუშენ რე ღორონთშო ქორწინება მნიშვნელოვან?

•  ქორენო სწორ ქორწინებაშახ წყვილიშ ართო ცხოვრება თიშ ოძირაფალო, ქუგუგენა დო ვარ ართიანს?

•  მუჭო შეულებ წყვილს გამანგარას ქორწინება?

•   ქორწინება ღორონთიშ გენწყილ რე. თიქ გიონწყუ თენა, მუჟამსით პირველ წყვილ გაჭყჷ (დაბადება 2:22—24). თის ვაკოდ, ნამდა წყვილქ ართო იცხოვრკო ქორწინებაშ უმშო.

•   ღორონთის უჩქჷ, მუ რე უჯგუშ ადამიანეფშო. თიქ ქორწინება თიშენ გიონწყუ, ნამდა თენა სამუდამო კავშირ ჸოფედკო ოსურ დო კოჩ შქას, მუთ ოჯახიშ თითოულ წევრის დეცვენს დო მოუღანს ჯგირობუას. გუვარჩუათ მარტივ მაგალით: მუჭოთ მწარმოებელშე მეღებულ ინსტრუქცია მოძირანა, მუჭო ოკო ევონწყუათ ავეჯ, თეშ ღორონთიშ მითითებეფ ხოლო მოხვარნა, გუვავითარათ ჯგირ ოჯახურ ურთიერთობეფ. ღორონთიშ ნორმეფ ირო სასარგებლო რე თიშ მიმაჸუნალეფშო (ესაია 48:17, 18).

•   ქორწინებაშ უმშო სექსის შილებე გლახა შედეგეფქ მაჸუნას. მაგალთო, თეს შილებე ქუმაჸუნას არასასურველ ორსულობაქ, სქესობრივო გინმადვალარ ლახალეფქ დო ემოციურ აშლილობაქ. a

•   ღორონთიქ ქომოლკათა დო ოსურკათას სექსიშ საშვალებათ გამრავლებაშ უნარ მეჩჷ. ღორონთ სიცოცხლეს უჯინე მუჭოთ წმინდას, ათეშენ თიშ მოჩამილ გამრავლებაშ უნარ ძვირფას საჩუქარ რე. ღორონთის ოკო, ქიმვაჸუნათ ქორწინებაწკუმა დაკავშირებულ თიშ ნორმეფს დო თეშნერო დუვაფასათ თე საჩუქარ (ებრაელები 13:4).

 ბედნერ ქორწინებაშო შუროთ ვა რე საჭირო, წყვილქ წინასწარ იცხოვრას ართო, მუდგაშ დროს ჟირხოლო მხარეს შეულებ ურთიერთობაშ მეტება. თეშ გინაწონს, მუჟამსით ჟირხოლო დიდ პასუხიშმგებლობას გინაფლენა ართიანიშ წოხოლე დო ართო ოცადნა პრობლემეფშა გერჯგინას, თინეფიშ ურთიერთობა ხოლო უმოსო იმანგარებ. b ქორწინება ამანგარენს პასუხიშმგებლობაშ გრძნობას (მათე 19:6).

 სრულყოფილ ოჯახ ვა არსებენს, მარა ბიბლიურ რჩევეფს ქიმიაჸუნუნან-და, წყვილეფს შეულებნა ბედნერ ქორწინება უღდან. თუდო მოჩამილ რე ნამთინე რჩევა:

•   მეუღლეშ საჭიროებეფ თქვანშე უმოს მაღალას ქიგიორინეთ (1 კორინთელები 7:3—5; ფილიპელები 2:3, 4).

•   გავითარით ართიანიშ მიმართ ჸოროფა დო პატიცემა (ეფესოელები 5:25, 33).

•   ქიდიგურეთ თქვან სიტყვეფიშ კონტროლ (იგავები 12:18).

•   ქუმუთვინით დო ქაპატით ართიანს (კოლოსელები 3:13, 14).