„მანგარ სახიოლო რე, ნამდა თქვან ორგანიზაციაშ წევრეფი შურ დო გურით ხანდენა ღორონთიშ სამეფოშო. ჩქი მანგარ პატი გემძუნა, ართიანიშ დო შხვეფიშ მიოხვარებელო ხანდენთინ თიშა“.

ათეცალ სიტყვეფი ჭარუდ ქალაქ ატლანტაშ (ჯორჯია, აშშ) მერიშ, კასიმ რიდიშ წერილს. თე წერილით ქალაქიშ მერქ მუშ ჯგირ გური ოძირუ თი იეჰოვაშ მოწმეეფს, მიდგას ატლანტას სუმ დიდ კონგრესიშ დასწრება ულამუდ.

ატლანტაშ ქალაქიშ საბჭოშ განცხადებას ხოლო თეცალ გემუან სიტყვეფი ჭარუდ კონგრესშა მოულირეფშო: „მთელ მსოფლიოს სოდგარენ ბრუო მილიონი იეჰოვაშ მოწმე რეთ; მართალ რე, შხვადოშხვა კუნთხუშე რეთ დო შხვადოშხვა ნინაშა იჩიებუთ, მარა ართ მიზანი გიღუნა ...თქვა გოკონა, პატი ცათ იეჰოვას, ბიბლიაშ ღორონთის დო ირფელიშ გუმაჭყაფალს“.

2014 წანაშ კვირკვეს დო არგუსოს ქალაქ ატლანტას სუმ კონგრესიქ ჩეტარუ: ჟირ ინგლისურ ნინაშა დო ართი ესპანურშა. კონგრესიშ მარჩქილაფშა 28 ქიანაშე მორთეს. პროგრამა, ნამუთ ინგლისურ ნინაშა მიშუნ, რუსულო დო ესპანურო გინოთარგმნეს თიშენ, ნამდა თე ნინეფშა მორაგადე ხალხის ხოლო თავისფალო ქუგუგებუდკო მოხსენებეფი. სუმხოლო კონგრესშა 95 688 კოჩიქ მორთუ.

2014 წანას იეჰოვაშ მოწმეეფქ 24 ფართომაშტაბიან საერთაშორისო კონგრესი ჩატარეს 9 ქიანას, თავრეშე 16 კონგრესი შეერთებულ შტატეფიშ შხვადოშხვა ქალაქის.