LESON 14
Karakory Fivavahan̈a Mamparavoravo Jehovah?
Hitantsika tamy leson talohanity fa tsy fivavahan̈a jiaby mamparavoravo Zan̈ahary. Fa atsika ndraiky afaka manompo Zan̈ahary amy fomba tiany hanompoan̈a izy. Karakory ma “fivavahan̈a” mamparavoravo Zan̈ahary? (Jakoba 1:27) Zahava ino raha ampianariny Baiboly momba zen̈y.
1. Tokony hiorin̈y aminino fivavahan̈antsika?
Tokony hiorin̈y amy Baiboly fivavahan̈antsika. Ho Jesosy tamy Zan̈ahary: “Volan̈anao zaraiky fo marin̈y.” (Jaona 17:17) Fivavahan̈a sasany tsy mijery raha marin̈y koran̈iny Baiboly, kanefa izio Volan̈a Zan̈ahary. Izio nisoloandro fampianaran̈anolombelon̈o ndreky fombandrazan̈a. Jehovah tsy ravoravo aminolo ‘man̈iliky didinany.’ (Vakia Marka 7:9.) Fa izikoa fivavahan̈antsika miorin̈y amy Baiboly, avio atsika man̈araka torohevitrinizio, ho ravoravo Zan̈ahary.
2. Karakory tokony hanompoantsika Jehovah?
Jehovah zaraiky fo tokony hivavahantsika, fotony izy niasa atsika. (Apokalypsy 4:11) Dikanizen̈y, atsika mila tia izy ndreky mivavaka aminany zaraiky fo, fa tsy mila mampiasa sary ndreky sampy eky.—Vakia Isaia 42:8.
Fanompoan̈a ataontsika tsy maintsy “masin̈y, baka io ankasitrahiny” Jehovah. (Romanina 12:1) Dikanizen̈y atsika mila man̈araka fitsipikinany momba fitondranten̈a. Ohatra, lan̈iany olo tia Jehovah mila tia ndreky man̈araka fitsipikinany momba vadian̈a. Iro koa tsy tokony hihina raha mandrobaka ain̈y, karaha ataony lobaka, sigarety ndreky jamala. a
3. Nan̈ino ma atsika tokony hanompo Jehovah miaraka amy vahoakanany?
Fivorian̈a fataonay isaka herin̈iandra ahavitan̈a “midera Jehovah ... amy vahoaka mivory.” (Salamo 111:1, 2) Fomba araiky an̈anovanay zen̈y, zahay mihira amy fivorian̈a an̈y. (Vakia Salamo 104:33.) Jehovah man̈iraka atsika mivory, fotony tiany atsika, avio hainy koa fa fivorian̈a io han̈ampy atsika hankafy fiain̈ana tsisy farany. Mahatsara atsika mandeha mivory io, fotony an̈y atsika mifankahery ndreky mahazo angovo.
ALEVA ONON̈O
Diniha nan̈ino Jehovah tsy man̈omba olo hampiasa sary izikoa fa mivavaka. Zahava karakory aby hataontsika midera Zan̈ahary.
4. Tsy tokony hampiasa sary atsika koa fa mivavaka
Akory hahaizantsika fa tsy tiany Zan̈ahary atsika mampiasa sary koa fa mivavaka? Alifasa VIDEO io, avio iaraha dinihin̈y fan̈ontanian̈a ambany io.
-
Taloha tan̈y, ino raha nahazo iro olo nanompo sampy sady nivavaka tamy Zan̈ahary?
Araka dinikinolo sasany, hahaimarikitry Zan̈ahary iro koa mampiasa sary lera mivavaka. Mamparikitry Zan̈ahary ankitin̈y ma fampiasan̈a sary io? Vakia Eksodosy 20:4-6 ndreky Salamo 106:35, 36, avio iaraha dinihin̈y fan̈ontanian̈a aby ty:
-
Ino aby sary hitanao ampiasainolo lera iro mivavaka?
-
Karakory fahitany Jehovah fampiasan̈a sary io?
-
Fahitanao izy, mety ma mampiasa sary izikoa fa mivavaka amy Zan̈ahary?
5. Ho afaka aminy hevitry diso atsika koa manompo Jehovah zaraiky fo
Zahava fa ho afaka aminy hevitry diso atsika koa manompo Jehovah zaraiky fo. Alifasa VIDEO io.
Vakia Salamo 91:14, avio iaraha dinihin̈y fan̈ontanian̈a ty:
-
Ino raha ampan̈antinainy Jehovah atsika, izikoa atsika tia izy ndreky manompo izy zaraiky fo?
6. Midera Jehovah atsika lera mivory
Midera Jehovah ndreky mankahery olo hafa atsika koa fa mihira ndreky man̈amia valinteny ampivorian̈a an̈y. Vakia Salamo 22:22, avio iaraha dinihin̈y fan̈ontanian̈a aby ty:
-
Maharavoravo anao ma maharen̈y valinteny ampivorian̈a?
-
Asa mba tianao han̈oman̈a, baka anao hahavita hamaly lera ampivorian̈a?
7. Ten̈a ravoravo Jehovah izikoa atsika mikoran̈a aminolo raha ianarantsika
Maro fomba mety hizarantsika fahamarin̈ana aminolo hafa. Vakia Salamo 9:1 ndreky 34:1, avio iaraha dinihin̈y fan̈ontanian̈a ty:
-
Ino raha nianaranao tamy Baiboly tao ke mba tianao koran̈iny aminolo hafa?
MISY OLO MIVOLAN̈A: “Tsisy olo hahavita hamparavoravo Jehovah zen̈y.”
-
Akory hevitrinao momba zen̈y?
INO RAHA NIANARANAO TATO?
Atsika amparavoravo Zan̈ahary niasa atsika, izikoa mivavaka aminany zaraiky fo, midera izy ampivorian̈a, baka io mikoran̈a aminolo raha nianarantsika tamy Baiboly.
Fan̈ontanian̈a Fameren̈ana
-
Aia ahaizantsika fomba tokony hanompoan̈a Zan̈ahary?
-
Nan̈ino atsika tokony hivavaka amy Jehovah zaraiky fo?
-
Nan̈ino ma atsika tokony hanompo Zan̈ahary miaraka aminolo tia man̈ano raha mamparavoravo izy?
ZAHAVA
Zahava amy tantara “Tsy Andivoziny Sampy Eky Zaho” akory nialany man̈angy io tamy fanompoan̈a sampy.
Zahava ato ino han̈ampy anao hahavita han̈amia valinteny ampivorian̈a an̈y.
“Miderà Jehovah Ampivorian̈a An̈y” (Tilikambo Fiambesan̈a Zanvie 2019)
Zahava ato hatsaran̈a nazony tsaiky lelahy araiky tamy fivorian̈a, ndray tsy mora taminany nivory.
Maro olo mino fa lakroa io zen̈y lamariky ahaizan̈a Kristianin̈y. Tokony hampiasa izio ma atsika koa fa mivavaka?
“Nan̈ino ma Vavolombelon̈o Jehovah Tsy Mampiasa Lakroa?” (Lahatsoratra aminy Internet)
a Mbala hianarantsika afara an̈y raha aby zen̈y.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
