Fampidiran̈a Fizaran̈a 2
Nan̈ino Jehovah nandripaka olo tamy safodrano? Vo tsy ela nisiany olombelon̈o efa nan̈ano ny ratsy edy sasany tamindro. Nisy fo ndraiky nan̈ano ny tsara. Adama ndreky Eva, baka io Kaina zanakandro, ohatra, nan̈ano ny ratsy, fa Abela ndreky Noa nan̈ano ny tsara. Naro olo nan̈ano raha ratsy ke naripaka Jehovah. Ho hitantsika amy fizaran̈a ty fa hitany Jehovah aby raha ataontsika, baka io tsy ambelany karaha io fo olo man̈ano raha ratsy.
AMY FIZARAN̈A TY
Tsy Nan̈araka Volan̈a Zan̈ahary Adama Ndreky Eva
Nan̈ino kakazo araiky tamy zaridain̈y Edena tao tsy nitovy tamy kakazo hafa? Nan̈ino Eva nihina voanizio?
Neloko Izy ke Namono Olo
Tiany Jehovah raha namiany Abela, fa izy tsy tia raha namiany Kaina. Koa fa hainy Kaina zen̈y, neloko mare izy ke nan̈ano raha ratsy.
Sambofiarany Noa
Nanambady man̈angy tambony tany teto anjely sasany. Iro niteraka ke zanakandro fatatra be ndreky kafiry mare. Noa ndraiky tsy karaha zen̈y, izy tia ndreky nan̈araka volan̈a Zan̈ahary.
Olo Valo Fo Tsy Naty!
Nilatsaka tan̈aty 40 andra ndreky 40 alin̈y mahalen̈y tamy Safodrano. Nandilatra taon̈o araiky ry Noa nidoko tan̈aty sambofiara tao. Zan̈ahary amy zay nan̈iraka iro niboaka.
