Koa fa vita Safodrano in̈y, niteraka maro zanaka Noa aby io. Nahaimaro fo olo tambony tany teto, ke niparitaka erantany. Zen̈y baka raha nivolan̈iny Jehovah tamindro.

Olo sasany tsy nan̈araka volan̈a Jehovah. Iro nivolan̈a: ‘Atsika han̈amboatra tanàna hipitrahantsika, hiasa tran̈o an̈abo be matakatra lan̈itry. Halaza mare atsika amy zen̈y!’

 Tsy ravoravo tamy zen̈y Jehovah, ke najanony asandro io. Hainao ino raha nataony? Nataony tsy nifankahazo tampoko volan̈anolo aby io, ke tsy vita tanàna namboarindro io. Babela an̈aran̈a tanàna io. “Alamboetry” dikany Babela zen̈y. Niala tao olo, ke nandeha niparitaka erantany. Iro ndray efa nifindra, iro mbala nan̈ano raha ratsy fo tan̈y. Asa mbala nisy olo tia Jehovah fo tamy zen̈y? Amy toko fan̈araka atsika mizaha zen̈y.