“Narary mare Sophia a ke naty. Efa nandilatra 39 taon̈o vadian̈anay tamy zen̈y. Mamako nan̈ampy zaho, ke zaho koa nifen̈y mare ho maro raha atao. Nalahelo mare fo zaho tan̈atiny taon̈o araiky tio. Tsy vitako foeky nitana fihetsehamponaka. Efa telo taon̈o zay nifatesany, kanefa mbala misy fotoan̈a zaho malahelo mare tampoko io.”​—Kostas.

Anao koa fa naty vady na havan̈a, na namanao marikitry anao, mety ho tsapanao raha mahazo Kostas. Iro manampahizan̈a aby io ten̈a miaiky fa zen̈y an̈isany raha ten̈a mampijaly amy fiain̈ana. Koran̈iny Gazety Amerikain Momba Aretintsain̈y fa: “Ten̈a tsy mora aminolo, maty havan̈a ndreky kamarady, fotony iro mieritreritry fa tsy hahita iro in̈y eky.” Mety ho loso diniky karaha ty olo karaha zen̈y: ‘Ho karaha zen̈y fo ma alahelonaka, sa mbala ho hisy fotoan̈a zaho ho ravoravo ndraiky? Ino raha mety ataoko baka zaho tsy halahelo be eky?’

Hivalian̈a amy gazety ty iro fan̈ontanian̈a aby io. Ohatra amy lahatsoratra man̈araka han̈azava raha mety tsapanao ndreky problemo mety ho tojy anao. Misy torohevitry han̈ampy anao tsy halahelo be loatra koa ato.

Irarian̈a hankahery ndreky han̈ampy iro naty havan̈a iro tohiny fan̈azavan̈a ty!