Lera atsika mamaky Baiboly, atsika afaka mampiasa fitaovan̈a fianaran̈a isankarazany baka ho azontsika tsara raha vakiantsika. Tsy handeha hampitombo fahaizan̈a fo mahavy atsika mianatra Baiboly fa baka hahay tsarabe toetriny Jehovah. Zen̈y han̈ampy atsika hampitombo fitiavantsika izy. Ke baka atsika hahavita han̈ano zen̈y, atsika afaka man̈ontany ten̈a: ‘Ino raha ampianariny andininy ty zaho momba Jehovah?’

Ohatra, atsika afaka mikaroko akory nataony Jehovah nan̈aboaka fitiavan̈anany, fahendrenanany, fan̈anaovany rariny ndreky angovonany. Kanefa mbala misy toetriny Jehovah maro tsara hafa koa mety ianaranao fa tsy zen̈y fo. Aia mety ahitanao fan̈azavan̈a momba toetrinany?

Misy listiny toetriny Jehovah hafa mandilatra 50 amy Fanondroana Bokin’ny Vavolombelon’i Jehovah ambaniny titra “Jehovah”, baka io ambaniny lohatenihely “Lisitry ny Toetrany.” Tadiava toetry aby koran̈iny tantara vakinao amy Baiboly io. (Izikoa Fitaovana Fikarohana ho An’ny Vavolombelon’i Jehovah fo afaka ampiasainao, zahava ambaniny titra “Jehovah Andriamanitra”, baka io ambaniny lohatenihely “Toetran’i Jehovah.”)