Atsika koa mamaky Baiboly, mila man̈ano fikarohan̈a atsika vo mahita valera ara-pan̈ahy. Fa akôry hahavy atsika hahazo tsarabe hatsaran̈a?

Idira lalin̈y irô tantara amy Baiboly ao. Ohatra, diniha azôvy ma nanoratra izio, ombian̈a aviô handeha amin-jôvy. Ino ma raha nisy tamy zen̈y, ndreky talohan’​izio, baka iô tafaran’​izio?

Mangalà fianaran̈a, ke valia fan̈ontanian̈a aby ty: ‘Ino ma raha tsapan’​olo aby koran̈in’​izio ao? Karakôry toetrindrô? Nan̈ino ma zaho tôkony hangala tahaka toetry aby zen̈y na tsy tôkony han̈araka zen̈y?’

Areha leson nianaranao, ohatra amy fanompoan̈anao na amy fifandraisanao amin’​olo. Anao koa man̈ano zen̈y, aboakanao fa anao manan̈a fahendrena. Ho Baiboly: ‘Handiniky raha aby zen̈y lan̈iany olo hendry.’​—Sal. 107:⁠43.

• Sôso-kevitry: Aleva onon̈o nan̈ino irô raha ianarantsika amy Valera Baka amy Volan̈a Zan̈ahary amy fivorian̈a andavanandra in̈y, man̈ampy atsika hieritreritry fomba an̈arehan̈a leson hitantsika. Matetiky misy fan̈ontanian̈a mety hapetrakantsika amin’​ny ain̈intsika ao, hevitry mety hisaintsain̈intsika, aviô sary mety dinihintsika.