Tiany Jehovah izikoa baka amy fitiavantsika izy mahavy atsika manompo izy. (Mt 22:37, 38) Fitiavan̈a Jehovah mahavy olo ampianarintsika Baiboly han̈ano fan̈ovoan̈a mila hataony ndreky tsy hivadiky izikoa fa misy fitsapan̈a. (1Jn 5:3) Fitiavan̈a Jehovah koa mandrisiky izy hatao batisa.

Ampia pianatranao hahatsapa fa Jehovah tia izy. An̈ontania izy: “Ino raha ianaranao momba Jehovah amy zen̈y?” na “Izikoa zen̈y zahan̈a, ino ivolan̈anao fa tia anao Jehovah?” Ampia izy hahita fa Jehovah ten̈a man̈ampy izy. (2Ta 16:9) Tantarà aminazy akory nataony Jehovah namaly vavaka voafaritry nataonao, avio ampirisiha izy hangala onon̈o fomba namaliany Jehovah vavakanany. Ho ravoravo mare atsika izikoa olo ampianarintsika Baiboly io tia Jehovah ndreky tihanjary kamaradiny.

ZAHAVA VIDEO AMPIA OLO AMPIANARINAO BAIBOLY BAKA HO NAMANY JEHOVAH AVIO TADIAVA VALINY FAN̈ONTANIAN̈A ABY TY:

• Ino problemony Jade?

• Akory nataony Neeta nan̈ampy Jade?

• Akory nataony Jade baka nahavitany namaha problemonany?