FOMBA FIAIN̈ANA KRISTIANIN̈Y
Ino Raha Mety Hataonao Baka Fandaminan̈a ho Tsara Laza Fo?
Maro olo mangala onon̈o fitondranten̈a tsara anan̈any Vavolombelon̈o Jehovah. (1Ko 4:9) Ke tsara izikoa atsika mieritreritry karaha ty: ‘Asa mba man̈amia voninahitry Jehovah raha volan̈iko ndreky raha ataoko?’ (1Pe 2:12) Tsy tiantsika foeky baka handrobaka laza tsara anan̈any Vavolombelon̈o efa tan̈atiny taon̈o maro zay.—Mpto 10:1.
Sorata ino raha tokony hataony Kristianin̈y araiky, ndreky toro lalan̈any Baiboly mety han̈ampy izy, izikoa izy tojy raha aby ty:
-
Izikoa misy olo tsy Vavolombelon̈o Jehovah meloko mare mankaratsy anao
-
Izikoa lambanao, tomabilinao na tran̈onao nanjary naloto mare
-
Izikoa tsy rariny na sarotro arehan̈a lalàn̈a aboakany fanjakan̈a
Akory ataondro pan̈ano fikarohan̈a amy Sampandraharahany Fanoratan̈a, man̈ano raha hampatsara laza fandaminan̈a?
ZAHAVA VIDEO FAN̈ANAOVAN̈A RAHA HAN̈ABOAHAN̈A FITIAVAN̈A NDREKY FAN̈AJAN̈A FAHAMARIN̈ANA, AVIO TADIAVA VALINY FAN̈ONTANIAN̈A TY:
Ino raha ten̈a mahagaga anao momba ezaka ataony fandaminan̈a amy fan̈oman̈ana fan̈azavan̈a marin̈y tsarabe?
