Ehe. Tsy baka amy zahay mandeha mitory io mahavonjy zahay. (Efesianina 2:8) Karakory ma zen̈y?

 Misy ohatra araiky ty: Karaha ataony olo araiky man̈ano asa soa, nan̈ambara daty araiky han̈amezany kado olo amy tany araiky. Ke izikoa anao an̈isanolo amian̈a kado io, anao man̈araka zay raha irahinolo io atao, sa karakory? Baka io koa anao tsy maintsy ho tafikoran̈a raha zen̈y amy kamaradinao, amy zen̈y iro koa mba hahazo kado io. Ndray anao man̈ano raha jiaby zen̈y, tsy baka amy raha nataonao nazahoanao kado io, fa baka aminolo tsara fan̈ahy nan̈amia anaro kado io.

 Mira zen̈y koa zahay Vavolombelon̈o Jehovah. Zahay mino fa hamiany Jehovah fiain̈ana tsisy farany zay olo man̈araka volan̈anany. (Romanina 6:23) Zahay mandany andra mikoran̈a raha inoanay io aminolo, baka iro koa hahazo raha hamiany Zan̈ahary io. Tsy baka amy fanompoan̈a ataonay io hahavonjy zahay. (Romanina 1:17; 3:28) Rady azontsika baka amy Zan̈ahary io tsy takalony fanompoan̈a izy, fotony Baiboly efa mivolan̈a fa ‘izy namonjy atsika tsy baka amy raha tsara nataontsika, fa baka aminizy mamindra fo amintsika.”—Titosy 3:5.