M̀ARÊ-KƐ́I 16
Lé Ɓé Ya Pɔri Gɛ́i Ya Kɛ Tɛɛ̂i Mɛni-kpɔlu Su?
“Ímɛni kpɔlu-ŋai tɛɛ Ziova pɔ́, gɛ̀ ní a pâi ímaa kɔ̃ɔi. Va nɛɛ naa dí diai dí téniŋ ɓoɔɔ̂i yée mɛi ɣále.”
“Tíi-kpanaŋ kɛ́-nuu ŋɔmɛni-kpɛtɛɛ a pa a sɛŋ támaa, kɛ́lɛ ǹúui a tɔɔ-laa kɔ́ri a maa kpɛ̃liŋ, maa tɔɔ-laai fa tua zu.”
“Ŋgaa kákɔlɛ, káfe yao! Ńyãa ɓa Káɣâlai, sɛŋ da fé pâi ká maa yaoi! Ŋa pâi kákponoi kpananîi, ŋa kpɔŋ maa tɛɛ kápɔ. Ŋa pâi kámaa kɔ̃ɔi ŋa káŋuŋ ma ɓó.”
“Gbɛ̂ɛ ɓa pɔri ŋɔfúlu-laai da pui ma a lii-sɛ̂lɛŋ?”
“M̀ɛni ma, kálii fé sɛ̂lɛŋ tínaa mɛni ma, kpɛ́ni fêi, tínaa lii a pâi sɛ̂lɛnii gbîŋ mɛni ma. Tɔɔ fólo tɔnɔ ŋɔmɛni nyɔ́mɔɔi é kɛ́ nɔ́ a gula-kɛɛ-ɓoɔɔ vólo tɔnɔi kpîŋ mɛni ma.”
“Ká kásia-pere maa kpɛɛ a nɛ́lɛɛ. Káfe sia yɛ̂ɛ ɓoo-ɓela, kɛ́lɛ, ká sia yɛ̂ɛ táre-ɓela. Tãi gáa káyêei ká tíi kɛ la a gbanaŋɔɔ.”
“Káfe kpaaŋ mɛni kélee mɛni ma, kɛ́lɛ, Ɣâla fɛliɛ su da mare-kɛɛ é pɛ́lɛ sɛɣɛi-fei ma, m̀ɛnii kélee ká ŋ̀wɛ̂lii ka nɛɛ naa Ɣâla é gɔ́lɔŋ. Ŋâla-lii-seei, nyii dɛɛ̂i táre kélee mai, a pâi kálii mɛi káai, da kákili, Kúnuu-namui Zîsɛ Kôrai sârai.”
