Ziova a ŋwɛlii a gɛɛ I gɔlɔŋ a nɛlɛɛ. Le mɛni ma? Ya mɛni maa-kɔri e pilaŋ ŋɔtua-pere lɛlɛɛ-ŋai dia, berei a tua la a nuai, da mɛnii a ŋwɛili imɛni mai, ya pai ŋwɛlii ikɛ a naoi. I laai la ya pɔri kɛi a Ɣala naoi? (Ŋule-wooi 25:​14 lono.) Le ɓe ya pɔri gɛi a gɛɛ ikɛ a naoi? Mare-kɛɛ-ŋai ŋi sukulai kaa Ŋala-kɔlɔi su da mɛnii gɛ laoi-laa kɛɛ a Ziova lɛlɛɛi la e tɛɛ laoi-laa kelee ta ma.

1. Le ɓe Ziova a I tolii a gɛɛ I gɛ?

“Ka lɛɣɛ a Ɣala, a kɛ ti a pai lɛɣɛi a kaa.” (Zĩi 4:8) Nyiŋi sukulai ɓa le? Ziova kaa I tolii a gɛɛ ikɛ a naoi. Nua tani-ŋa da gaa yɛɛ difa pɔri kɛi a Ɣala naoi kpɛni fei difa gaa. Kɛɛ Ziova a mɛni-ŋai maa nɛ̃ɛi ku gɔlɔŋ lɛ kua Ŋala-kɔlɔi su a gɛɛ ku lɛɣɛ a nyaa. Kwa Ɣala ŋɔworɛ-wooi lono Ŋala-kɔlɔi su, kulaoi-laai a Ziova su a pai kpanani berei maŋ kufe ta wɔlɔ gaa ti lai.

2. Le ɓe Ziova ŋɔlaoi-laai kɛ a nɛlɛɛ e tɛɛ la laoi-laa kelee ma?

Ziova e I wɛlini e tɛɛ nuu ta kelee ma. A ŋwɛlii a gɛɛ ikɛ a ilii nɛ̃ɛ, I vɛli a tãi kelee ya kɛ ŋwɛlii a kpɔŋ maa. Ya pɔri ‘mɛnii kélee a ilii sɛlɛŋ pui ŋɛi, kpɛni fei, gbaaŋɔɔi imɛni ma.’ (1 Pitɛ 5:7) Ziova a ŋwɛlii a gɛɛ e kpɔŋ maa tɛɛ naoi-ni pɔ a tãi kelee, e diŋaa nɛnɛ, e ŋwoli tɔɔ dia.​—Ŋule-wooi 94:​18, 19 lono.

3. Le ɓe Ziova a ŋwɛlii I gɛ a gɛɛ ikɛ a naoi?

Wɛli-kɛ-maa kaa Ziova yeei nuu kelee mɛni ma, “kɛlɛ gaa a teniŋ ɓo-ɓela da tɔ̃ya-ɓela di wɛli kɛ-maa-nuu.” (Tare-woo-ŋa 3:​32) Ziova a ŋwɛlii a gɛɛ naoi-ni di kɔ di mɛni-ŋai kɛ nyii ŋwɛli kaa mai, di nyii-ŋai ŋwɛli fe mai kpɔara. Nua taŋa da pɔri gaai yɛɛ difa pɔri siai a Ziova ŋɔtɔŋ-ŋai e pilaŋ mɛni lɛlɛɛ da mɛni nyɔmɔɔ ma. Kɛɛ Ziova kaa a ŋɛi-maloŋ-kaa Ɣala. A laoi-laa kɛ a nuu nyii kelee ŋwɛlini, gɛ kɔ a gɛɛ e nĩa-mɛni kɛ a tɔ̃ya pere.​—Ŋule-wooi 147:​11; Dikɛ-mɛni-ŋai 10:​34, 35.

 MƐNI TAMAA MAA-KƆRI

4. Eberaɣɛ̃ɛ e kɛ a Ziova naoi

Mɛni-pelei Ŋala-kɔlɔi sui e pilaŋ Eɓeraɣɛ̃ɛ (nyii da kaa ŋɔnɔ doli a Eɓeraŋ) mai a kpɔŋ kua a gɛɛ ku laoi-laa kɛɛ a Ɣala ŋa kaa ma. Mɛnii kaa Zɛnɛse 12:​1-4 e mo e pilaŋ Eɓeraɣɛ̃ɛ ma. Gɛ ni ka lono e pilaŋ mare-kɛɛ-ŋai ŋi dia:

• Le ɓe Ziova e mo Eɓeraɣɛ̃ɛ ma a gɛɛ e gɛ?

• Kono-tee kɛɛ leŋ ɓe Ziova e gɛ mi?

• Le ɓe Eɓeraɣɛ̃ɛ e gɛ a mɛnii Ziova e mo mai?

 5. Mɛnii Ziova a ŋwɛlii a gɛɛ naoi-ni di gɛ

Kwa ŋwɛli a gɛɛ kulaoi-ni di mɛni taŋa kɛ kumɛni ma.

• Mɛni-ŋai ya ŋwɛlii a gɛɛ ilaoi-ni di gɛ yɛɛi, taŋa ɓa le?

1 Zɔŋ 5:3 lono, gɛ ni ka lono e pilaŋ mare-kɛɛ ŋi ma:

• Le ɓe Ziova a ŋwɛlii naoi-ni di gɛi?

A gɛɛ ku Ziova woo mɛni, maa nɛ̃ɛi ku kutua-pere nyɔŋ-ŋai maa faleŋ. Azaya 48:​17, 18 lono, gɛ ni ka lono e pilaŋ mare-kɛɛ ŋi ma:

• Le mɛni ɓe Ziova a ŋwɛlii la a gɛɛ naoi-ni di maa-faleŋ-ŋa kɛ?

6. Mɛnii Ziova a gɛ a gɛɛ e kpɔŋ maa tɛɛ naoi-ni pɔ

 MƐNI-ŊUŊ-ŊAI YAA MAA-KƆRII

Ziova a ŋwɛlii a gɛɛ ikɛ a Naoi, nyaŋ a pai kpɔnii ya a gɛɛ I lɛɣɛ a nyaa.

Gili-too-ŋa mare-kɛɛ-ŋai

• Ziova a kpɔŋ leŋ naoi-ni dia?

• Le mɛni ɓe Ziova a mo la naoi-ni dia a gɛɛ di maa-faleŋ-ŋa kɛ?

• I laai la laoi-laa kɛi a Ziova kpanaŋɔɔi? Le mɛni ma?