Nua da too tua-laa su a nina, da kɛ ŋwɛlii a gɛɛ berei dilii e kɛ a nɛ̃ɛ la a voloi di too la tua-laa sui, e kɛ nɔ ti wɔlɔ-wɔlɔ da wɔlɔ-wɔlɔ. Nyaŋ a pɔri kɛi ti. Korai-ɓela nyii-ŋai daa gɛ tua-laa su a tãi su koyai, nyaŋ daa kɔ a gbanaŋɔɔ a gɛɛ di sia a Ŋala-kɔlɔi ŋɔlia-woo-ŋai, di gɔlɔŋ a gɛɛ nyiŋi a pɔri kɛi.

1. Lia-woo kɛɛ leŋ ɓe Ŋala-kɔlɔi e dɛɛ nɛni kula sinaa pɔi?

Ziova e zurɔŋ lɛ a gaayɔɔi ŋuŋ tuɛ-nuu. (Ifisiɛŋ 5:​23 lono.) Ziova a ŋwɛlii a gɛɛ zurɔŋ e mɛni-kpɛtɛɛ-ŋa kɛ nyii pai kɛi a nɛlɛɛ gaayɔɔi mɛni ma. Ŋala-kɔlɔi e nɛni kula sinaa lia woo ɓo nyɛɛi: “Ka kanɛyaai wɛli.” (Ifisiɛŋ 5:​25) Nyiti sukulai ɓa le? Wɛli-kɛ-maa surɔŋ a tua a ŋɔnɛnii a ɓaa-kɛ-maa pere da kɛ bɛrɛi la kpaa da kɛ kpɔŋ su. A ŋɔnɛnii maa kɔ̃ɔ, e kɔ a gbanaŋɔɔ a gɛɛ e mɛi kaa e nii laa mɛni-ŋa kɛ. (1 Temete 5:8) Mɛni-ŋuŋ ɓa, maa nɛ̃ɛi zurɔŋ e kpɔŋ maa tɛɛ ŋɔnɛnii pɔ a gɛɛ laoi-laa lɛlɛɛ e kɛ nyaa da Ziova loai. (Maafiu 4:4) Gɔɔŋ-maa ɓa, da ŋɔnɛnii da Ɣala fɛli, di Ŋala-kɔlɔi lono gie ma. A kɛ zurɔŋ a ŋɔnɛnii soŋ a wɛli-kɛ-maa pere, a pai ŋɔlaoi-laai a Ziova su kpananii.​—1 Pitɛ 3:7 lono.

2. Lia-woo kɛɛ leŋ ɓe Ŋala-kɔlɔi e dɛɛ surɔŋ kula nɛyaa pɔi?

Ŋala-kɔlɔi e mo a gɛɛ maa nɛ̃ɛi nɛyaa “di ɓaa-kɛ-maa [siŋɔɔ] tɛɛ disinaai pɔ.” (Ifisiɛŋ 5:​33) A pɔri nyiŋi kɛi leŋ? A pɔri gili-ŋa siai e pilaŋ bɔŋ ŋɔtua-pere lɛlɛ-ŋai dia da berei a kɔ la a gbanaŋɔɔ a gɛɛ e gaayɔɔi mɛi kaai. A pɔri ŋɔnɔ ɓaa-kɛ-maa tɛɛi bɔ a berei a nyee see la bɔŋ ŋɔmɛni-kpɛtɛɛ-ŋai mu. E tee nyiti ma, a ŋɔnɔ lono bɔ a ɓaa-kɛ-maa pere, gɛ lono e pilaŋ ma a nɛlɛɛ a kɛ kpiŋ ve a Ziova fɛli-nuu ta.

3. Tua-laa su-ɓela da pɔri ditua-laai su kpananii leŋ?

Ŋala-kɔlɔi e lono e pilaŋ tua-laa su-ɓela dia nyɛɛi: “Difeerɛŋɔɔ da pai kɛi a kpono tɔnɔ.” (Maafiu 19:5) Nyiŋi sukulai ɓa di kɔ kili-ŋa-sia kelee ta pɔ nyii a pɔri gɛi di dikie-ni lɛɛ. Da nyiŋi kɛ a kɛ da tãi siɣe gie ma a tãi kelee, di dilii su mɛni-ŋa ɓo dikie-ni dia a wɛli-kɛ-maa pere. E tee Ziova polu, difa nɛɛ naa a gɛɛ sɛŋ kelee kpaa nuu kelee ta maa mɛni e kɛ a gbanaŋɔɔ dia e tɛɛ la dipɔŋ ma. Da ŋɔnɔ kɔ a gbanaŋɔɔ a gɛɛ dife laoi-laa kɛ a nuu ta nyii pai ditua-laai su karai.

 MƐNI TAMAA MAA-KƆRI

4. Nɛni kula sinaa​—ka kanɛyaai wɛli, ka di soŋ a nɛlɛɛ

5. Surɔŋ kula nɛyaa ​—ka kasinaai wɛli, ka ɓaa-kɛ-maa tɛɛ dipɔ

Ŋala-kɔlɔi e mo a gɛɛ surɔŋ kula nɛni e ŋɔsurɔŋ wɛli a kɛ kpiŋ ve a Ziova fɛli-nuu. 1 Pitɛ 3:​1, 2 lono, gɛ ni ka lono e pilaŋ mare-kɛɛ-ŋai ŋi dia:

• A kɛ ipɔŋ fe Ziova fɛlii, ku gɔlɔŋ a gɛɛ ya ŋwɛlii e kɛ a Ziova fɛli-nuu. Ya pɔri kpɔŋ maa tɛɛi leŋ bɔ? I laai la maa nɛ̃ɛi ikɛ ɣala-woo ɓo nɔ ma a tãi kelee kpaa a pai kɛi a nɛlɛɛ ikɛ tua a nyaa a nɛlɛɛ, ikɛ ɓaa-kɛ-maa tɛɛ bɔ? Le mɛni ma?

 Zurɔŋ da nɛnii da pɔri mɛni-kpɛtɛɛ lɛlɛɛ-ŋa kɛi gie ma. Kɛlɛ tãi taŋa, nɛnii ŋɔkili-ŋa-siai a pɔri kɛi a dakpɛni e pilaŋ zurɔŋ ŋɔmɛni-kpɛtɛɛ ma. A pɔri mɛnii nii sui ɓoi ŋɔsurɔŋ ma a ɓaa-kɛ-maa pere, kɛlɛ maa nɛ̃ɛi e gɔlɔŋ a gɛɛ Ziova aa mo a gɛɛ zurɔŋ ɓe maa nɛ̃ɛi e mɛni-kpɛtɛɛ kɛ gaayɔɔi mɛni ma. Maa nɛ̃ɛi e tɔɔ ŋɔsurɔŋ ŋɔmɛni-kpɛtɛɛ polu. A nyiŋi kɛ, a pa a lii-nɛ̃ɛ tamaa gaayɔɔi su. 1 Pitɛ 3:​3-5 lono, gɛ ni ka lono e pilaŋ mare-kɛɛ ŋi ma:

• Ziova lii a kɛ leŋ nɛni a ɓaa-kɛ-maa tɛɛ ŋɔsurɔŋ pɔ?

6. Iyee a pɔri tɛɛi mɛni-kpanaŋ-ŋa dia itua-laai su

 MƐNI-ŊUŊ-ŊAI YAA MAA-KƆRII

Tua-laa su-ɓela da dikie-ni wɛli, di ɓaa-kɛ-maa tɛɛ dikie-ni pɔ, di sia a Ŋala-kɔlɔi ŋɔtɔ̃ya-ŋuŋ-ŋai, a pa a lii-nɛ̃ɛ dipɔ.

Gili-too-ŋa mare-kɛɛ-ŋai

• Le ɓe nɛni kula surɔŋ a pɔri gɛi a gɛɛ e pa a lii-nɛ̃ɛ dua-laai su?

• Le ɓe surɔŋ kula nɛni a pɔri gɛi a gɛɛ e pa a lii-nɛ̃ɛ dua-laai su?

• A kɛ ikaa tua-laa su, Ŋala-kɔlɔi ŋɔtɔ̃ya-ŋuŋ-ŋai nenɛ ɓe a pɔri kpɔnii ya a gɛɛ I itua-laai su kpanaŋ?