Misyungu 20:1-30
20 Mundu jwakusamwa finyo jwamjinji akusaŵa jwakunyosya, soni mundu jwakusamwa ukana wejinji akusatenda yangalondeka.Jwalijose jwakusakunda kuti yeleyi yimsokonasye ali jwangali lunda.
2 Kogoya kwa mwenye kuli mpela lisimba* lyakutongola.Jwalijose jwakusiŵatendekasya mwenye kutumbila akusaŵika umi wakwe pangosi.
3 Mundu jwakusaŵambala yakangana akusachimbichika,Nambo jwalijose jwali jwakuloŵela akusalijinjisya mu ukanganiwo.
4 Mundu jwaulesi ngakusalima mundaŵi jakusisima,Myoyo jwalakwe chachipitaga m’chiŵenda yakulya mundaŵi jagowola ligongo chachiŵa jwangali kalikose.
5 Yakuganisya ya mumtima mwa mundu yili mpela mesi ga m’chisima chakusokoka,Nambo mundu jwali jwakumanyilila yindu ni jwakusakombola kuteka mesigo.
6 Ŵandu ŵajinji akusasala kuti akwete chinonyelo chakulupichika,Nambo ana ŵani ŵampaka ampate mundu jwakulupichika?
7 Mundu jwakulungama akusatenda yindu mwakulupichika.
Ŵana upile ŵanache ŵakwe ŵakusayika panyuma pakwe.
8 Mwenye patemi pampando wakwe waumwenye kuti awelusye,Meso gawo gakusamanyilila ŵandu wosope ŵali ŵakusakala.
9 Ŵani ŵampaka aŵechete kuti, “Une swejesye mtima wangu,Nganingolasoni ulemwa uliwose”?
10 Masikelo soni yakulinjila yachinyengo*Yikusamsakalisya Yehofa.
11 Atamose mwanache* akusamanyika ni yitendo yakwe,Naga ndamo syakwe sili syeswela soni syambone.
12 Liwiwi lyakupikana soni liso lyakulolaYosopeyi ŵayipanganyisye Yehofa.
13 Mkanonyelaga kugona kogopela kuti chimchiŵa ŵakulaga.
Mwugule meso genu, mwamti chimchikola mkate* wejinji.
14 Jwakusuma akusaŵecheta kuti, “Yinduyi nganiyiŵa yambone, nganiyiŵa yambone.”Kaneko akusatyoka ni kutanda kulilapilila.
15 Pana golide soni maganga ga kolali* gejinji,Nambo pakamwa palunda pali pamtengo wapenani.
16 Mumsumuleje mundu chakuwala naga asasile kuti champelechele mlendo chikole.Mumsumuleje chikole naga jwalakwe ŵasasile kuti chachimtendela yeleyi jwamkongwe jwachilendo.*
17 Mkate wele mundu awupatile mwachinyengo akusawupikana kunong’aNambo panyuma pakwe mkamwa mwakwe mukusagumbala maganga.
18 Ŵandu pakambilene, yakulinga yawo yikusajenda chenene,Soni mpute ngondo mwakukuya malangiso galunda.
19 Mundu jwamabosa akusapita mchiwulula ngani syachimsisi.Mkasyoŵekana najo mundu jwakusanonyela kuŵecheta yamiseche.
20 Jwalijose jwakusiŵatembelela babagwe soni mamagwe,Chachimsimichisya nyali jakwe pachichiyika chipi.
21 Mundu jwapatile chipanje mwakutundukaNgasapochela upile pambesi pakwe.
22 Mkaŵechetaga kuti, “Chinjiwuchisya chakusakala.”
Mumjembecheyeje Yehofa soni jwalakwe chachimkulupusya.
23 Masikelo* gachinyengo gakusamnyalaya Yehofa,Soni masikelo gachinyengo nganigaŵa gambone.
24 Yehofa ni jwakusasilongolela sajo sya mundu.Ana mundu mpaka amanyilile chamtuli litala lyakusosekwa kwenda?
25 Chili chitega naga mundu akuwutuchila kusala kuti chapeleche mtuka kwa Mlungu.
Kaneko panyuma pakwe ni kutanda kuganichisyasoni yaŵalumbileyo.
26 Mwenye jwalunda akusiŵamanyilila ŵakusakalaSoni akusiŵaponda jemanjajo ni litayala lya chakuputila mbeju.
27 Mpweya wa mundu uli nyali ja Yehofa,Jajikusawungunya umundu wamkati wa mundujo.
28 Chinonyelo chakulupichika soni kudalilichika yikusamchenjela mwenye.Soni ligongo lya chinonyelo chakwe chakulupichika mwenye akusawulimbisya mpando wakwe.
29 Anyamata akusachimbichika ligongo lya machili gawo,Soni ŵachikulile akusachimbichika ligongo lya wuli syawo.
30 Maŵanga gakwika ligongo lya kuputidwa gakusamasya yakusakala,Soni kumputa mundu kukusaswejesya umundu wakwe wamkati.
Maloŵe Gamwiŵanda
^ Kapena kuti “lisimba lyamachili.”
^ Kapena kuti “Maganga gaŵili gakupimila pasikelo soni milingo jiŵili jakulekangana.”
^ Kapena kuti “mnyamata.”
^ Mikate jakala ŵajipanganyaga ni utandi wa tiligu kapena balele.
^ Alole Kugopolela kwa Maloŵe Gane.
^ Kapena kuti “mundu jwachilendo.”?
^ Kapena kuti “Maganga gaŵili gakulekangana.”
