Yobu 28:1-28
28 “Gapali malo gele ŵandu akusawukula silifaNi gapalisoni malo gele ŵandu akusajenjela golide.
2 Chisyano akusachijigala kutyochela mwitaka,Soni chisyano chakopa akusachisungunula kutyochela ku maganga.
3 Mundu akusachigomeka chipi.Jwalakwe akusajawula kumalo gachipi mnope,Kuti akapate yisyano* yamtengo wapenani.
4 Jwalakwe akusawukula pasi, kwakutalikangana ni kwakusatama ŵandu.Ku malo gele ŵandu ŵagaliŵalile, kwakutalikangana ni kwakusajenda ŵanduŴandu ŵane akusajinjila pasipo ni kukamulaga masengo ali alitaŵilile ngonji.
5 Yakulya yikusamela penani pa chilambo.Nambo pasi pa chilambopo pali pejonasiche mpela kuti apajonasile ni moto.*
6 Pasi pa chilambopo pana maganga ga safilo,Soni mu luwundu lwakwe mukusasimanikwa golide.
7 Chijuni chachikusalya yinyama yijakwe ngachikumanyilila litala lyakwawula kweleko.Atamose liso lya chitotola chepiliwu nganililiwoneje litalalyo.
8 Yilombo yakogoya yamachili nganiyijendejepo m’litala lya kweleko.Atamose lisimba lyamachili nganilisakuleje kweleko.
9 Mundu akusakasanya maganga gakulimba mnope.Jwalakwe akusagagalawusya matumbi, kugatyosya kutyochela pa fendeshoni* jakwe.
10 Jwalakwe akusaŵikaga ngalande syakupita mesi mu lwala.Meso gakwe gakusalola chilichose chamtengo wapenani.
11 Jwalakwe akusawukula matanda kwasikutandila suloSoni jwalakwe akusayiŵika pakulanguka yindu yakusisika.
12 Nambo ana lunda mpaka lusimanikwe kwapi,Soni ana kupikanichisya yindu kukusatyochela kwapi?
13 Pangali mundu jwakusapikanichisya kusosekwa kwakwe,Soni lundalo lwangasimanikwa pachilambo chapasi.
14 Mesi gakusokoka gakusati, ‘Lunda nganiluŵa mwa une.’
Soni nyasa jikusaŵecheta kuti, ‘Lunda nganiluŵa ni une.’
15 Mundu nganaŵa asumile lunda ni golide jwambone.Soni nganaŵa apimile silifa kuti achenganye ni lunda.
16 Mundu nganaŵa asumile lundalu ni golide jwa ku OfiliKapena ni maganga ga onekisi soni ga safilo.
17 Golide soni ligalasi mundu nganaŵa ayiwanichisye ni lunda.Soni mundu nganaŵa achenganyisye chiwiya chagolide jwambone ni lunda.
18 Maganga ga kolali soni ga kulusitalo mundu nganaŵa agalandenye ata panandi ni lunda.Pakuŵa msaku wegumbale ni lunda uli wamtengo wapenani kupunda msaku wegumbale ni ngale.*
19 Maganga ga topasi ga ku Kusi mundu nganaŵa agalandenye ni lunda.Soni mundu nganaŵa asumile lunda ni golide jwambone mnope.
20 Nambo ana lundalu lukusatyochela kwapi?Soni ana kupikanichisya yindu kukusatyochela kwapi?
21 Lundalu lusisiche pameso pa chaumi chilichoseSoni lusisiche kwa yijuni yamwinani.
22 Chonasiko soni chiwa yiŵechete kuti,‘Mawiwi getu gagambile kupikana mbilipe jakwamba ya lunda.’
23 Mlungu ni jwakusamanyilila kwampaka lusimanikwe lunda.Jwalakwe jikape ni jwakusamanyilila kwalukusatama.
24 Jwalakwe akusalola mpaka kumbesi kwa chilambo chapasi,Soni akusayiwona yindu yosope yayili pasi pano.
25 Jwalakwe paŵatamilikasisye machili ga mbungo,Soni paŵagalinjile mesi,
26 Jwalakwe paŵajiŵichilaga wula malamusiPaŵaŵikaga litala lyakupita kulindima soni wula jamachili,
27 Pelepo jwalakwe ni pajwaluweni lunda soni jwalulondesisye.Jwalakwe ŵalutamilikasisye lundalo ni kululinga.
28 Kaneko jwalakwe ŵamsalile mundu kuti:
‘Mpikane, kumjogopa Yehofa luli lunda.Soni kuŵambala yakusakala kuli kupikanichisya yindu.’”
Maloŵe Gamwiŵanda
^ Mu Chihebeli ŵatiga “maganga.”
^ Pelepa akusala ya masengo gagakusatendekwa ku mgodi.
^ Ŵane akusati “yilimbilimbi.”
^ Ngale jili mtundu wa liganga lya mtengo wapenani mnope.
