Yehofa ni jwakusatendekasya kuti mbeju ja usyesyene jikule mumtima mwa mundu. (1Ak 3:6-9) Myoyo kuti yindu yitujendeleje chenene mu utumiki tukusosekwa kumdalila Yehofa kuti atukamuchisyeje soni kuti ŵakamuchisyeje ŵakulijiganya Baibulo ŵetu.

Amŵendeje Yehofa kuti ŵakamuchisyeje ŵandu ŵakusiŵajiganya kuti akomboleje kupilila soni kumalana ni yakusawusya yakusimana nayo. (Afi 1:9, 10) Pakupopela asaleje yisyesyene yakusaka. Aŵendeje kuti msimu weswela walongoleleje paumi wawo. (Luk 11:13) Ŵajiganyeje ŵakusiŵajiganya Baibulo kupopela soni ŵalimbikasyeje kuti apopeleje. Pakupopela yimpepe ni ŵakulijiganya ŵawo soni pakwapopelela kwa jika ŵakolanjeje mena gawo.

ALOLELE FIDIYO JAKUTI TUSANGALALEJE NI MASENGO GAKWAJIGANYA ŴANDU BAIBULO—TUKAMULICHISYEJE MASENGO CHIKAMUCHISYO CHATUPELE YEHOFA—LIPOPELO, KANEKO AJANJE YIWUSYO AYI:

• Ana Nita ŵayiweni kuti Jedi akwete chakusawusya chapi paŵamjiganyaga Baibulo?

• Ana lilemba lya 1 Akolinto 3:6 lyamkamuchisye uli Nita?

• Ana Nita jwamalene chamtuli ni chakusawusyachi?