Pa Okotoba 28, 2020, luŵala lwekulungwa lwa magambo ku Brynsk lwakamulene ni yalwalamwile luŵala lwandanda pa magambo ga M’bale Vladimir Khokhlov ni Eduard Zhinzhikov soni Mlongo Tatyana Shamsheva ni Olga Silaeva. Luŵala lwandanda lwa magambo lwalamwile kuti abale ni alongoŵa akusosekwa kutama mu ukayidi kwa chaka chimo ni miyesi jitatu. Nambope ligongo lyakuti abaleŵa ŵatemi kala mu ukayidi, nganasosekwaga kutamasoni mu ukayidi kaŵili. Mwakamulana ni yalulamwile luŵala lwa magambolu, abaleŵa chiŵawoneje kuŵa ŵakulemwa. Nambope jemanjaji ali ŵakusangalala ligongo lyakuti ngaŵaŵikasoni mu ukayidi. Pangalisoni lilamusi line lyakwakunda ŵakusisyaŵa kuti ajawusye nganiji ku luŵala lwine.

Luŵala lyamagambo lyandanda mkanilulamule magamboga, abaleŵa ŵatemi masiku 316 mu ukayidi soni alongo ŵatemi masiku 245. Ali akopweche mu ukayidi, alongoŵa ŵaŵechete mu Lipoti Lyasambano Kutyochela ku Likuga Lyakulongolela Na.5 lya 2020. Jemanjaji ŵasasile kuti lipopelo, kuŵalanga Baibulo soni kuŵa ŵakuyamichila ni yayakamuchisye kuti apilile.