Mfundo Syakamuchisya Kupikanichisya Mabuku ga M’Baibulo
Tumafidiyotu tukwete mfundo syakwakamuchisya kupikanichisya ngani sya m’mabuku ga m’Baibulo. Tukusalasoni muyaŵelele yindu pa ndaŵi jiŵalembaga bukujo soni yindu yachalijiganye m’bukujo. Kamulichisya masengo tumafidiyotu mpaka kwakamuchisye kupikanichisya pakulijiganya soni kuŵalanga Baibulo.
Mfundo Syakutukamuchisya Kujipikanichisya Baibulo
Chayiwone kuti buku jilijose jikusakamulana mnope ni ngani jekulungwa jajili m’Baibulo. Ngani jakwe jili jakuti Uchimwene wa Klistu Yesu uchiswejesya lina lya lya Mlungu lyakuti Yehofa.
Kujipikanichisya buku ja Genesesi
Buku ja Genesesi jikusasala pakwamba ya ndanda ja chilambo, ndanda ja yakusakala soni mwachichimalila chiwa.
Kujipikanichisya Buku ja Ekisodo
Mlungu ŵakulupwisye Aisalaeli ku ukapolo wa ku Iguputo soni ŵatendekasisye kuŵa mtundu wekulungwa wakulipeleka kwa jwalakwe.
Kujipikanichisya Buku ja Numeli
Alole ligongo lyakwe tukusosekwa kumpikanila Yehofa soni kwachimbichisya ŵandu ŵaŵasagwile kuti atulongoleleje.
Kujipikanichisya Buku ja Detulonomo
Malamusi gaŵapeleche Yehofa kwa Aisalaeli galosyaga kuti jwalakwe akusiŵanonyela ŵandu ŵakwe.
Kujipikanichisya Buku ja Yoswa
Chayiwone yaŵatesile Aisalaeli pakwagomeka adani ŵawo soni yaŵatesile pa kugaŵana chilambo chaŵapele Mlungu.
Kujipikanichisya Buku ja Ŵakulamula
Lina lya bukuji lyapelechedwe ligongo lya achalume ŵakulimba mtima ŵele Yehofa ŵakamulichisye masengo pakwakulupusya ŵandu ŵakwe miyala mwa ŵandu ŵaŵalagasyaga.
Kujipikanichisya Buku ja Lute
Buku ja Lute jikusala ya jwamkongwe jwamasije jwa chisikana jwele ŵanonyelaga mnope akwegwe ŵakwe. Soni jikusala yaŵatesile Yehofa pakwapa upile jemanjaji.
Kujipikanichisya buku ja 1 Samuele
Yehofa jwalesile kukamulichisya masengo Ŵakulamula pakwalongolela ŵandu ŵakwe. Mmalomwakwe, jwakundile kuti mayimwene galamulileje Aisalaeli. Pakuŵalanga buku ja 1 Samuele chayiwone mwaŵatendele yeleyi Yehofa.
Kujipikanichisya Buku ja 2 Samuele
Daudi jwaliji jwakulinandiya soni jwakwete chikulupi chakulimba. Yeleyi yikusatendekasya kuti ŵandu amnonyeleje mnope mwamti ali jumo mwa ŵandu ŵakumanyika mnope ŵakusasalidwa m’Baibulo.
Kujipikanichisya Buku ja 2 Ayimwene
Chayiwone kuti uchimwene wa kumpoto wa Aisalaeli ŵasimene ni yakusawusya ligongo lya kumjimuchila Yehofa. Nambope Yehofa ŵapaga upile ŵandu ŵamnono ŵaŵamtumichilaga jwalakwe ni mtima wosope.
Kujipikanichisya Buku ja 2 Mbili
Ngani jakusala ya mbili ja achayimwene ŵa ku Yuda jikusalosya kusosekwa kwakuŵa ŵakulupichika kwa Mlungu.
Kujipikanichisya Buku ja Esala
Yehofa akusunga cilanga cakwe cakuti cacagopola ŵandu ŵakwe ku ukapolo ku Babulo soni kuti caciwucisya kulambila kusyesyene mu Yelusalemu.
Kujipikanichisya Buku ja Nehemiya
Buku ja m’Baibulo ja Nehemiya jikwete majiganyo gakusosekwa mnope kwa wosope ŵali ŵakulambila ŵasyesyene masiku agano.
Kujipikanichisya Buku ja Esitele
Yakutendekwa ya mundaŵi ja Esitele mpaka yilimbisye cikulupi cawo mu macili ga Yehofa Mlungu gakupakombola kwakulupusya ŵandu ŵakwe pakusimana ni yakusawusya masiku agano
Kujipikanichisya Buku ja Yobu
Wosope ŵakusamnonyela Yehofa cacisimana ni yakulingwa. Ngani ja Yobu jikusatusimicisya kuti yili yakomboleka kwendelecela kuŵa ŵakulupicika soni kulimbikasya ulamusi wekulungwa wa Yehofa.
Kujipikanichisya Buku ja Masalimo
Buku ja Masalimo jikusalimbikasya ulamusi wekulungwa wa Yehofa, kwakamucisya soni kwatondoya ŵakusamnonyela jwalakwe, soni kulosya yacacijila pakucenga cilamboci kupitila mu Ucimwene wakwe.
Kujipikanichisya Buku ja Misyungu
Buku ja Misyungu jikusatukamucisya mwampaka tutendele yindu pa paumi wetu soni mwiŵasa
Kujipikanichisya Buku ja Jwakulalichila
Mwenye solomoni akusala yindu yayili yakusosekwa mnope paumi wetu ni kuyilekanganya ni yindu yayikusasisya lunda lwa Mlungu
Kutagulila Buku ja Nyimbo ja Solomo
Cinonyelo capasikati pa mwali jwacisulami ni mkucinga jwacinyamata akucitagulila mpela “lilamba lya Ya.” Ligongo cici?
Kutagulila Buku ja Yesaya
Buku ja Yesaya, jikwete yakulocesya yampaka yilimbikasye cikulupi cawo pa Yehofa mpela jwakwanilisya yilanga soni Mlungu jwacacakulupusya
Kutagulila Buku ja Yeremiya
Mwakulupicika, Yeremiya ŵakamwile masengo gakwe mpela jwakulocesya mwangasamala kandu ya yakusawusya yaŵasimanaga nayo. Aganicisyeje mwele cisyasyo cakwe mpaka cakamucisye Aklistu masiku agano.
Kutagulila Buku ja Malilo
Bukuji jalembedwe ni jwakulocesya Yeremiya. Buku ja Malilo jikusala ya konajidwa kwa Yelusalemu, soni jikusala yakuti ŵandu ŵakusapitikuka mtima akusatendeledwa canasa
Kutagulila Buku ja Ezekieli
Esekiyele ŵakamwile masengo ga Mlungu mwakulinandiya soni mwakulimba mtima atamose kuti yaliji yakusawusya. Cisyasyo cakwe cili cakusosekwa mnope kwa m’weji lelo jino.
Kutagulila Buku ja Danieli
Daniyele ni acimjakwe ŵajendelecele kuŵa ŵakulupicika kwa Yehofa mu ndamo syosope. Cisyasyo cawo pampepe ni kwanilicikwa kwa yakulocesya mpaka yitukamucisye m’weji lelo jino, mu ndaŵi jambesi jino.
Kutagulila Buku ja Hoseya
Yakulocesya ya Hoseya yikutujiganya majiganyo gakusosekwa mnope lelo jino pakwamba ya canasa ca Yehofa pa ŵakulemwa ŵapitikwice mtima soni mtundu wakulambila wakusasaka jwalakwe.
Kutagulila Buku ja Yoweli
Yoweli ŵalocesye pakwamba ya “lisiku lya Yehofa” lyalikwisa soni ŵasasile yampaka mundu atende kuti cakulupuce. Yakulocesya yakwe yili yakusosekwa mnope lelo jino.
Kutagulila buku ja Amosi
Yehofa ŵamkamulicisye masengo mundu jwakulinandiyaju pa masengo gakusosekwa mnope. Ana mpaka tulijiganye cici kutyocela pa cisyasyo ca Amosi?
Kutagulila buku ja Obadiya
jili buku jamwana mnope pa mabuku ga M’malemba Gacihebeli. Yakulocesyayi yikusala ya cembeceyo soni yilanga yakwamba ucimwene wa Yehofa Mlungu.
Kutagulila Buku ja Yona
Jwakulocesya jwapocele cikamucisyo, kwanilisya undumetume wakwe, jwalijiganyisye lijiganyo lyakusosekwa pakwamba ya cinonyelo ca Mlungu soni canasa. Yajwasimene nayoyi wawojosoni mpaka yakamucisye.
Kutagulila Buku ja Mika
Yakulocesya yeleyi yikutukamucisya kumanyilila kuti Yehofa akusaka kuti tumpeje yindu yambone.
Kutagulila Buku ja Nahumu
Yakulocesya yikusatusimicisya kuti Yehofa akusakwanilisya yaŵecete soni kuti akusapeleka citondoyo kwa wosope ŵakusaka mtendele soni cikulupusyo pasi pa Ucimwene wakwe.
Kutagulila Buku ja Habakuku
Mpaka tuŵe ŵakusimicisya kuti Yehofa ndaŵi syosope akusamanyilila ndaŵi jambone soni litala lyambone lyakwakulupucisya ŵandu ŵakwe.
Kutagulila Buku ja Zefaniya
Ligongo cici tukusosekwa kuŵambala nganisyo syakuti lisiku lya kwelusya lya Yehofa ngasiliyika?
Kutagulila Buku ja Hagai
Yakulocesya yayikugombelecesya kusosekwa kwa kuŵika pasogolo kulambila Mlungu m’malo mwa yakusaka yetu.
Kutagulila Buku ja Zekariya
Mesomkulola soni yakulocesya yejinji yalimbikasisye ŵandu ŵa Mlungu ŵakala. Yakulocesya yeleyi yikwendelecela kutusimicisya kuti Yehofa catukamucisyeje masiku agano.
Kutagulila Buku ja Malaki
Jikwete yakulocesya yakwamba yiwundo ya Yehofa yangacenga, canasa soni cinonyelo cakwe. Yakulocesyayi yikutujiganya yinesoni yampaka yitukamucisye patusimene ni yineyakwe pa umi wetu.
Kutagulila Buku ja Matayo
Alijiganye yisyesyene yakwe yakwamba Buku ja Matayo, jajili buku jandanda pa mabuku mcece ga Ngani Syambone.
Kutagulila Buku ja Maliko
Buku jejipi mnope pa mabuku ga Ngani Syambone, buku ja Maliko jikusapeleka ciwulili ca mwawuciŵela Ucimwene wa Yesu mpela Mwenye jwa Ucimwene wa Mlungu.
Kutagulila Buku ja Luka
Ana Buku ja Ngani Syambone ja Luka mwana ngani syapi syasili syapajika?
