“Ra Kirebnag e Girdi’ e Re Fayleng Ney, Fa?”

● Ra ga bay u lan e lang ma ga ra guy e fayleng nib fel’ yaan ni bod ba jewel nib wechwech nge raen mak’ef. Machane ga ra chugur ngay ma rayog ni ngam guy nib gel e magawon u fayleng. Mang fan? Ya girdi’ ni yad ma par riy e darur ma ayuweged nib fel’ rogon. Yad ma alitnag e nifeng nge day, ma yad ma li’ e gek’iy maku yad ma cham nga ur lied e girdi’ ma yad ma un ko ngongol ni darngal.

Re magawon ney e ke yiiynag e Bible murung’agen ni sogonap’an l’agruw biyu’ e duw ni ke yan. (2 Timothy 3:1-5; Revelation 11:18) Miki yog e Bible ni Got e ra pithig e re magawon ney ma gathi girdi’. Reb e welthin ni fan ko yoor ni kenggin e “Ra Kirebnag e Girdi’ e Re Fayleng Ney, Fa?” Yira pi’ e re welthin ney u nap’an fare District Convention ko Pi Mich Rok Jehovah ni kenggin e “Nge Yib e Gagiyeg Rok Got!” nra tabab ko pul ni May u Meriken ma ra ulul u ga’ngin yang u fayleng.

Yibe pinningem ni ngam un ko re convention nem. Ra ga baadag ni ngam nang boch ban’en u murung’agen e re muulung ney, ma rayog ni ngam fith e Pi Mich Rok Jehovah ara ngam yol ngak e piin ni ma ngongoliy e re babyor ney. Fare Web site ni www.dan124.com e bay fithingan e pi binaw riy ni yira tay e pi convention ney riy u Canada ngu Meriken.