FARE WULYANG KO DAMIT No. 1 2018
KAB PULUW E BIBLE NGODAD E NGIYAL’ NEY, FA?
Gur, bochan e kari mom ni ngan nang boch ban’en ni bochan e ke yoor ban’en nib beech ni bod e cellphone, nge computer, nge boch ban’en, ma aram e dabkiyog ni nge yib angin e Bible ngodad ni bochan e kaygi kakrom, fa? Be gaar e Bible:
“Urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor, me ir e ba ga’ fan.”—2 Timothy 3:16.
Re ke Wulyang ko Damit ney e be tamilangnag e n’en ni be yog e Bible ni aram e rayog ni nge pow’iydad ko pi n’en ni gad ma rin’.
Ba Puluw e Pi Fonow nu Bible Ngodad e Ngiyal’ Ney, Fa?
Mang fan ni ngad paged ba ke babyor ni kan yoloy ni ke chugur i gaman 2000 e duw ni nge pow’iydad ni faanra ke yoor boch ban’en nib beech ni kan ngongliy ni kab fel’ ko pi n’en ni immoy kafram?
Tin Be Fil e Bible e Bay e Gonop Riy Nra Yib Angin ni Gubin Ngiyal’
Yugu aram rogon ni bay boch e girdi’ ni yad be yog ndaki t’uf e Bible ngodad e ngiyal’ ney, machane be fil boch ban’en nib ga’ fan nge boch i kenggin e motochiyel nib m’ag ngodad e ngiyal’ ney ma gubin ngiyal’ nra yib angin.
Gur, Rriyul’ Ndaki M’ag ko Ngiyal’ Ney, Fa Bay e Thin Riy nib N’uw Nap’an Mfini Tamilang u Wan’uy?
Bible e gathi ba ke babyor ko science, machane bay e thin riy nib n’uw nap’an mfini tamilang u wan’ e girdi’.
1 Ra Ayuwegey ni Ngan Siyeg Boch e Magawon
Am lemnag rogon ni ke ayuweg e gonop rok Got e girdi’ ni ngar siyeged boch e magawon nib ga’.
2 Ra Ayuwegey ni Ngan Pithig Boch e Magawon
Ra ayuwegdad e Bible ni ngad pithiged boch e magawon ni kad mechamgad ngay nib mo’maw’ ni nge chuw, ni bod rogon e magafan’ nib pag rogon, nge ngan tay ban’en nge chugur ngay mfin rin’, nge kireban’ ni ma tay be’ ni bochan e yigoo ir.
3 Ra Ayuwegey ni Ngan Athamgil u Fithik’ e Magawon
Uw rogon e tin baaray e magawon ndabiyog ni ngad siyeged ara da pithiged, ni bod rogon e m’ar ndab kun gol riy ara ke yim’ be’ nib t’uf rom?
Ra Ayuwegem e Bible ni Nge L’agan’um ko Pi N’en ni Bay Nga M’on
Rayog ni nge ayuwegdad e Thin rok Got ni ngad pithiged boch e magawon ni gad ma mada’nag u lan e re fayleng ney u reb e rran ngu reb. Machane, gathi kemus e n’en nrayog ni nge rin’ e Bible, ya ku rayog ni nge ayuwegdad ni ngad nanged e pi n’en ni bay nga m’on.
Uw Rogon ni Ga Be Lemnag?
Am lemnag e n’en ni ke mich u wan’ boch e girdi’ nge n’en ni be yog e Bible u murung’agen e re deer ney.
