Nap’an ni gad be beeg e Bible, ma rayog ni ngad gayed murung’agen boch ban’en ya nge yag nda nanged fan e n’en gad be beeg. Machane gathi kemus ni gad baadag ni ngad filed e Bible ni bochan e nge ga’ e tamilangan’ rodad. Ya ku gad baadag ni ngad pirieged boch ban’en u murung’agen pi fel’ngin Jehovah nra gelnag e t’ufeg rodad ngak. Ere rayog ni ngad fithed gadad ni nge lungudad, ‘Mang e be fil e re thin nu Bible ney ngog u murung’agen Jehovah?’

Rayog ni ngad filed boch ban’en u murung’agen fa aningeg i fel’ngin Jehovah nib lingagil ni aram e t’ufeg, nge gonop, nge rogon nib mat’aw, nge gelngin. Machane gathi kemus pi fel’ngin Jehovah aray, ya ku bay boch i fel’ngin nib manigil. Ere uw e rayog ni ngam pirieg murung’agen boch e pi n’ey riy?

Mu guy e pi fel’ngin Jehovah nib pag e 50 ni bay ko fare Watch Tower Publications Index u tan fare thin ni “Jehovah,” ngemu’ mag yan ko fare thin ni “Qualities by Name.” Mu gay murung’agen e tin bay rogon ko re thin nu Bible ni ga be beeg. (Faanra yigoo Research Guide for Jehovah’s Witnesses e bay rom, mag yan ko fare thin ni “Jehovah God,” ngemu’ mag yan ko fare thin ni “Jehovah’s Qualities.”)