“Nge Yib Gil’ilungum Ngomad”—Ba Meybil ni Ma Yog Bokum Milyon e Girdi’
Bay ba ngiyal’ ni kam yibilay Gil’ilungun Got ni nge yib, fa? Kab kafram i yib ni bokum milyon e girdi’ ni yad ma sul u daken fapi thin ni be gaar “Nge yib gil’ilungum ngomad.” Mang fan ni yad ma sul u daken e pi thin ney? Bochan ni yog Jesus ngak pi gachalpen ni ngar yibilayed Gil’ilungun Got ni nge yib.
Som’on e de nang pi gachalpen Jesus fan gubin ban’en ni i weliy Jesus u murung’agen Gil’ilungun Got. Bay bayay nra fithed ngak ni lungurad: “Somol, ra taw ko re ngiyal’ i n’ir ma aram ma ga fulweg e nam nu Israel nga rogon?” Ba mudugil nra gingad u nap’an nde tamilangnag Jesus ngorad e ngiyal’ nra yib Gil’ilungun Got. (Acts 1:6, 7) Ere gur, re n’ey e be yip’ fan ndariy ba ngiyal’ ni gad ra nang ko mang Gil’ilungun Got ma mingiyal’ e ra yib, fa? Danga’!
Re ke Wulyang ko Damit ney e ra ayuwegem ni ngam nang e fulweg ko pi deer ni baaray ni be gaar:
Mang fan nib t’uf Gil’ilungun Got rodad?
Mini’ e Pilung u Gil’ilungun Got?
Wuin e ra tabab Gil’ilungun Got ni nge gagiyegnag e fayleng?
Mang e ra rin’ Gil’ilungun Got?
Mang fan ni ngam rin’ boch ban’en ni fan nga Gil’ilungun Got e chiney?
Mang Gil’ilungun Got?
You May Also Like
ESSENTIAL BIBLE TEACHINGS
Mang Gil’ilungun Got?
Nap’an ni i machib Jesus ma Gil’ilungun Got e ir e ba ga’ ni i weliy murung’agen ko girdi’. Ke yoor e chibog ni ma yibilay pi gachalpen e re Gil’ilungun nem ni nge yib.
