Épô mémia pi é nang-a a Béthel é ghôk méfa’ tè é zaané. Nkwa méfa’ mèt é ping ntsou’nè anè lépheu nkeu Lefô a nteu ta’ ala’, kèè a nteu méla’ té nzaané lè. Pô éwou ésènè, éfôkô, ntchou’tè, mbing-è ntouô mékèté tè mbô mé-audio pô mévidéo, nzeung ntchiité émô’ métsoo mi é si nzaka a mbou épô mémia a nteu akap ala’ zi pô éwou.

Ta’ nnô ménfènè a tsang-a afa’ Lefô a Béthel. Nnô wô tshiè athouô mvhô é pou ntseuknè afa’ Béthel a mbou ménfènè pi é tsang-a Béthel. Nnô wouô mèt é ping ngô ménfènè tsôô métèt pi é wuè kwa’ azhènou. Ménfènè pi é tsang-a Béthel, pô éfœu’ métseum nkè’té shoung a mbou Nnô wô tshiè athouô mvhô pa’ afa’ a si nzing-è poup a nteu méla’ mi pô si ntchiitè, nzeung ngheu ménguengue mi é ghô shi’ ntôk éwou. Aping-nè afa’ mèt a kuité Nnô wô tshiè athouô mvhô a lé tswhi mbêté méthou ashoung-né mi pô shi’ tii a nteu mékèté mi mè shi’ tè fôk, mbô a légheuè atangté métchou’té pô azi mémia métchou’té. A éfœu’ métseum, Nnô wô tshiè athouô mvhô é too émô’ ménfènè pi é gheuô é woua mébéthel, é kuité nnô yi é tsang-a mébéthel a léghôkô afa’ zôp anè ntsi mbông. (Proverbes 11:14) Anè ta’ atchou’té zi a tswhi ntsi, ménfènè mèt é yè ta’ athouô ashoung-né ndôk seumté Ménjheuè-njiô pi é nang-a a nteu ala’ zi mè tseuknè a mbou Béthel.

Béthel a tôôté métchou’té mi mè tseukné a mbou yi. A nteu Béthel, émô’ ménfènè é tsang-a afa’ a létshi métchou’té swhi, épimô’ é tsang-a afa’ méngnha’-nzhè mbô azi mémissionnèr, ngheu ménfènè pi é woua métchou’té mi é nteu méla’ mi mè ntseuknè a mbou Béthel. Émô’ é pèté mémia métchou’té, épimô’ é ping ntsang-a afa’ lékouèt ménguia atchou’té, mbing ngué zôkô, épimô’ é too mékèté mi mè zi’né a mbou métchou’té tè azou a té pou nking-è a mbou pôp-ô. Akœuè-kœuè zi mè gheu a nteu ta’ Béthel a si ngô a légheu afa’ Lefô a zing-è mbông-ô.​—1 Corinthiens 14:33, 40.

• Nnô ménfènè yi é tsang-a Béthel, é kuité Nnô wô tshiè athouô mvhô é lèkô?

• Mè ghôkô aziè afa’ a Béthel?