Ṣé nǹkan ti sú ẹ torí pé o ò lè jáde nílé? Tó bá rí bẹ́ẹ̀, ó lè máa ṣe ẹ bíi tí onísáàmù kan tó sọ pé: “Mo dà bí ẹyẹ tó dá wà lórí òrùlé.” (Sáàmù 102:7) Ọ̀rọ̀ ọgbọ́n tó wà nínú Bíbélì lè jẹ́ kó o rọ́gbọ́n dá sí ìṣòro tó máa ń wáyé tí èèyàn ò bá lè kúrò nílé torí àwọn ìdí kan.

•  Túbọ̀ sún mọ́ Ọlọ́run

•  Ka àwọn apá ibi tó máa jẹ́ kára tù ẹ́ nínú Bíbélì

•  Kẹ́kọ̀ọ́ kó o lè mọ ohun tó fà á táwọn nǹkan fi rí bó ṣe rí yìí

•  Má ṣe kó ara ẹ lọ́kàn sókè láìnídìí

•  Wá ọ̀rẹ́ kún ọ̀rẹ́

•  Ṣe ohun tó máa jẹ́ kára ẹ yá gágá

 Kódà tí kò bá ṣeé ṣe fún ẹ láti kúrò lójú kan, o ṣì lè láyọ̀ tó o bá ní in lọ́kàn pé ó fẹ́ túbọ̀ ní àjọṣe tó dára pẹ̀lú Ọlọ́run tó o sì ṣe àwọn nǹkan tó máa jẹ́ kó o túbọ̀ sún mọ́ ọn. (Mátíù 5:3, 6) Àwọn ohun tó o lè rí lọ́fẹ̀ẹ́ tá a tò sísàlẹ̀ yìí máa jẹ́ kó o mọ bó o ṣe máa ṣe é.

•   Bíbélì tó péye tó sì rọrùn láti lóye látorí ìkànnì

•   Ìjíròrò tó dá lórí àwọn ẹ̀kọ́ inú Bíbélì lórí ìkànnì tó máa jẹ́ kó o rí ìdáhùn sáwọn ìbéèrè tó yẹ kéèyàn mọ̀ nípa ìgbésí ayé

•   Àwọn fídíò tí kò gùn púpọ̀ tó dá lórí àwọn ẹ̀kọ́ pàtàkì tó wà nínú Bíbélì

•   Apá tá a pè ní “Ohun Tí Bíbélì Sọ” máa jẹ́ kó o rí ìdáhùn sáwọn ìbéèrè tó máa ń wà lọ́kàn ọ̀pọ̀ èèyàn

•   Abala tá a pè ní “Tẹ̀ Lé àpẹẹrẹ Ìgbàgbọ́ Wọn” máa jẹ́ kó o mọ àwọn ohun tó ṣẹlẹ̀ sáwọn ọkùnrin àti obìnrin tí Bíbélì sọ̀rọ̀ nípa wọn

•   Abala tá a pè ní “Ta Ló Ṣiṣẹ́ Àrà Yìí?” máa jẹ́ kó o rí báwọn ohun tí Ọlọ́run dá ṣe rẹwà tó, tí kò sì sẹ́ni tó mọ ohun tí Ọlọ́run fi pilẹ̀ rẹ̀

 Àwọn ẹsẹ Bíbélì tá a tò sísàlẹ̀ yìí ti tu ọ̀pọ̀ èèyàn nínú. Má wulẹ̀ ka gbogbo ẹsẹ Bíbélì yìí lẹ́ẹ̀kàn náà, lo àkókò tó o fi wà nílé yìí láti fi ka àwọn Bíbélì náà díẹ̀díẹ̀, kó o ronú lórí ohun tó o kà, kó o sì gbàdúrà.​—Máàkù 1:35.

•   Sáàmù 23:1-6

•   Sáàmù 34:1-22

•   Sáàmù 46:1-11

•   Sáàmù 63:6-8

•   Sáàmù 91:1-6

•   Mátíù 6:25-34

•   2 Kọ́ríńtì 1:3, 4

•   Fílípì 4:6, 7

•   1 Pétérù 5:6, 7

 Wàá lókun láti fara da ipò kan tó ń kó ìdààmú bá ẹ tó o bá mọ ohun tó fà á tí nǹkan burúkú fi ń ṣẹlẹ̀ àti bí Ọlọ́run ṣe máa dáwọ́ ẹ̀ dúró táa sì ṣàtúnṣe sáwọn ohun tó ti bà jẹ́.​—Àìsáyà 65:17.

•   Kí nìdí tí Ọlọ́run fi fàyè gba ìyà tó ń jẹ aráyé?

•   Kí ni Bíbélì sọ pé ó máa ṣẹlẹ̀ sí àìsàn àti ìlera àwọn èèyàn?

•   Kí ni àmì àwọn ọjọ́ ìkẹyìn?

•   Ta ni àwọn ẹlẹ́ṣin mẹ́rin tí ìwé Ìfihàn sọ̀rọ̀ nípa wọn?

•   Kí ni ìjọba Ọlọ́run máa ṣe?

 Tó o bá ka àwọn àpilẹ̀kọ tá a sọ nísàlẹ̀ yìí, á jẹ́ kí ọkàn ẹ balẹ̀ kí ìdààmú tí àìlè kúrò nílé máa ń fà má bàa bò ẹ́ mọ́lẹ̀, á sì jẹ́ kó o “yéé ṣàníyàn.”​—Mátíù 6:25.

•   Bó o ṣe lè kojú àìbalẹ̀ ọkàn

•   Bó ṣe lè dá ẹ lójú pé nǹkan ṣì máa dáa

•   Àníyàn nípa ewu

•   Àníyàn nípa owó

•   Àníyàn tó máa ń bá àwọn ọ̀dọ́

 Tó o bá lọ́rẹ̀ẹ́ tó o lè fọ̀rọ̀ lọ̀, wàá lè ronú lọ́nà tó já gaara, inú ẹ sì máa dùn, àgàgà lásìkò téèyàn ò lè rí ọ̀rẹ́ náà lójúkojú. Tí kò bá ṣeé ṣe fún ẹ láti kúrò nílé, o lè pe àwọn ọ̀rẹ́ tó o ti ní tẹ́lẹ̀ lórí fóònù kẹ́ ẹ lè gbóhùn ara yín tàbí kẹ́ ẹ tiẹ̀ ríra yín látorí fóònù, èyí máa jẹ́ kẹ́ ẹ túbọ̀ mọwọ́ ara yín, kó o sì tún ní àwọn ọ̀rẹ́ tuntun. Àwọn àpilẹ̀kọ tá a tò sísàlẹ̀ yìí máa jẹ́ kó o mọ bó o ṣe lè ní àwọn ọ̀rẹ́ tòótọ́ àti bíwọ náà ṣe lè jẹ́ “ọ̀rẹ́ tòótọ́.”​—Òwe 17:17.

•   Báwo lèèyàn ṣe lè jẹ́ ọ̀rẹ́ gidi?

•   Ṣé wàá fẹ́ ní àwọn ọ̀rẹ́ tuntun kún àwọn tó o ti ní tẹ́lẹ̀?

•   Ṣé ó máa ń ṣe ẹ́ bíi pé o ò ní ọ̀rẹ́ kankan?

•   Jẹ́ ọ̀làwọ́ tó o bá fẹ́ ní ọ̀rẹ́ tòótọ́

•   Wàá láwọn ọ̀rẹ́ tòótọ́ tó o bá ń moore

 Bíbélì sọ pé “àǹfààní . . . wà nínú eré ìmárale.” (1 Tímótì 4:8) Ó máa jẹ́ kó o lè ronú dáadáa, kò sì ní jẹ́ kí ọkàn ẹ bà jẹ́, pàápàá lásìkò tó ò lè kúrò nílé. A ti rí i pé kódà tí o ò bá ṣeé ṣe fún ẹ láti kúrò nílé, ó ṣì láwọn nǹkan tó o lè ṣe tí kò ní jẹ́ kí nǹkan sú ẹ.

•   Má ṣe máa jókòó gẹlẹtẹ sójú kan

•   Ní ìlera tó dáa kó o sì tún ní ìfaradà