Yaputari yaikú surí yané mendarisá upé asuí yané anama irum, ma amuramé usika purarasá yané resé. (Eclesiastes 9:11) Ma yané Muñhãgara uajudari yandé yasasá ramé iwasuwaá rupí. Resendú ramé maã Bíblia umbeu usú uajudari indé resasá ramé iwasuwaá rupí.

MAÃ BÍBLIA UMBEU: “Pexari Deus resé pañhe kuá umutawawaá peñhe, ñhãsé umanduári peñhe.” (1 Pedro 5:7) Deus ti umuñhã ne awá usasá puxiwerawaá rupí. (Tiago 1:13) Repitá resewara Deus rumuara, Aé usú umukirimbáwara indé. (Isaías 41:10) ‘Rekuntari irum ne piá suí mayé reyusaã.’ — Salmo 62:8.

Releri ramé Bíblia muíri ara usú umusurí indé. Kuá usú uajudari indé resaã arama Jeová ‘uyumana indé pañhe ara reikú ramé sasiára’. (2 Korintowaraitá 1:3, 4; Romawaraitá 15:4) Aé uprometeri umeẽ ‘ti maã resesá purangawaá ne awá upoderiwaá ukuá’. — Filipowaraitá 4:6, 7, 13.

MAÃ REPODERI REMUÑHÃ:

• Repurandú Jeová irum uajudari arama rekuá maã resú remuñhã asuí ti arama reyuka ne piá.

• Ariré reparawaka maã puranga piriwaá remuñhã arama.

MAÃ BÍBLIA UMBEU: “Awá urikú ukuasá usikari ukuá piri.” (Provérbios 18:15) Resikari rekuá maã usasá uikú ne anama irum. Remanduári maã ne anama uprecisari. Rekuntari ta irum asuí resendú mayé ta uyusaã. — Provérbios 20:5.

Sá awá regustariwaá umanũ ne suí, te reyumimi mayé reyusaã. Até “Jesus uyaxiú” kuera. (João 11:35; Eclesiastes 3:4) Puranga repituú xinga ramé asuí rekiri puranga. (Eclesiastes 4:6) Kuá usú uajudari indé resasá ramé iwasuwaá rupí.

MAÃ REPODERI REMUÑHÃ:

• Te resarú iwasuwaá usika rekuntari arama kuayewaá resé ne anamaitá irum. Ape ne anamaitá usú umaã iwasuíma ukuntari arama ne irum usika ramé yepé maã iwasuwaá.

• Rekuntari amú miraitá irum ta usasawaá iwasuwaá rupí yuíri.

MAÃ BÍBLIA UMBEU: “Yepé rumuara purangawaá usaisú pañhe tempo upé, asuí upitá mayé yané mũ yapurará ramé.” (Provérbios 17:17) Ne rumuaraitá ta uputari ta uajudari indé, ma amuramé ti ta ukuá mayé. Yawewaá rupí rembeu ta supé maã reprecisariwaá. (Provérbios 12:25) Asuí resikari ajuda espiritual awaitá irum ta ukuawaá Bíblia resé. Aintá upoderi ta umukameẽ mayé Bíblia upoderi uajudari indé. — Tiago 5:14.

Reyumuatiri ramé miraitá irum ta uruyariwaá Deus resé, kuá upoderi uajudari indé reprecisariwaá upé. Amú maã, mairamé resikari remusurí amú miraitá ta uprecisariwaá, kuá usú umusurí indé yuíri. Rekuntari ta supé maã resé Jeová uprometeriwaá asuí mayé reruyari sesé. Resikari reajudari awaitá uprecisariwaá ajuda, asuí te repitá apekatú awá suí usaisuwaá indé. — Provérbios 18:1; 1 Korintowaraitá 15:58.

MAÃ REPODERI REMUÑHÃ:

• Rekuntari yepé ne rumuara irum reruyariwaá asuí rexari aé uajudari indé.

• Rekuntari ne piá suí maã resé reprecisariwaá.