UMBUESÁ 24
Awá taá anjoitá asuí maã aintá umuñhã?
Jeová uputari yayumbué ianama iwaka pura resé. Aikué anjoitá Bíblia userukawaá mayé “Deus raíraitá”. (Jó 38:7) Maã Bíblia umbeu anjoitá resé? Maã aintá umuñhã? Será pañhe anjoitá aintá Deus anama?
1. Awá taá anjoitá?
Jeová umuñhã anjoitá umuñhã rundé kuá iwí. Ti yapoderi yamaã anjoitá ñhãsé aintá espírito mayé Deus yawé, asuí ta umorari iwaka upé. (Ebreoitá 1:14) Aikué siya anjo, asuí muíri aintá suí ta urikú ta rikusá. (Apokalipse 5:11) Aintá ‘ta umuñhã maã Jeová umbeu asuí ta usendú maã umunduwaá’. (Salmuitá 103:20) Kuxiíma kuera Jeová umundú anjoitá ta urasú arama iñheenga miraitá supé, ta uajudari arama imiraitá asuí ta usalvari arama aintá ta usasá ramé iwasuwaá rupí. Yané tempo upé anjoitá ta uajudari cristãoitá ta uwasemu arama miraitá ta uputariwaá ta uyumbué Deus resé.
2. Awá taá Yurupari asuí demônioitá?
Yepeyepé anjoitá ta uxari Jeová. Yepesá anjo upitawaá Jeová ruaxá aé “Yurupari, Satanás yuíri, aeté kuá ugananiwaá pañhe kuaitá mundo puraitá”. (Apokalipse 12:9) Yurupari uputari kuera umundú amuitá resé. Yawé arama, aé umuñhã Adão, Eva asuí anjoitá ta upitá Deus ruaxá yuíri. Bíblia useruka kuá anjoitá ta uxariwaá Jeová mayé demônioitá. Jeová umburi aintá iwaka suí. Kuíri aintá uikú iwí upé, ma Jeová usú umukañhemu aintá. — Releri Apokalipse 12:9, 12.
3. Mayé Yurupari asuí demônioitá ta usikari ta uganani yandé?
Yurupari asuí demônioitá ta uganani siya miraitá payesá asuí magia rupí. Ta usari kuaitá ta usikari arama ta ukuntari mundo espiritual irum. Ma kuá ti satambika. Yepeyepé ta usikari astrologia, horóscopo, magia asuí payesá. Amuitá ta usikari payeitá ta umuñhãwaá. Yurupari umuñhã miraitá ta uruyari yuíri ta upoderiwaá ta ukuntari umanũwaitá irum. Ma Jeová umbeu: “Te resikari awá ukuntari umanũwaitá irum ne payeitá resé.” (Levítico 19:31) Jeová umbeu kuayé umukaturu arama yandé Yurupari asuí demônioitá suí. Aintá Deus ruayanaitá asuí ta uputari puxiwera yandé arama.
REYUMBUÉ PIRI ARAMA
Reyumbué maã purangawaá anjoitá ta umuñhãwaá, marã yawaité yasikari payesá asuí mayé yapoderi yayumukaturu Yurupari asuí demônioitá suí.
4. Anjoitá ta uajudari miraitá ta uyumbué arama Jeová resé
Anjoitá ti ta umbeu Bíblia resé miraitá supé. Ma aintá ta upoderi ta uajudari Deus miraitá ta uwasemu arama awá uputari uyumbué Jeová resé. Peleri Apokalipse 14:6, 7. Ariré pekuntari kuá resé:
-
Marã yaprecisari anjoitá ajuda yambeu arama Bíblia resé miraitá supé?
-
Será puranga rekuá anjoitá ta upoderi ta uajudari indé rewasemu arama awá uputari uyumbué Bíblia resé? Marã remanduári kuayé?
5. Te resikari payesá
Yurupari asuí demônioitá aintá Jeová ruayanaitá. Ape, aintá yané ruayanaitá yuíri. Peleri Luka 9:38-42. Ariré pekuntari kuá resé:
-
Maã demônioitá ta umuñhã miraitá supé?
Ti yaputari yaxari demônioitá ta ucontrolari yané vida. Peleri Deuteronômio 18:10-12. Ariré pekuntari kuá resé:
-
Mayé demônioitá ta usikari ta ukuntari yané irum asuí ta ucontrolari yandé? Maã remaã magia resé u payesá resé mamé remorariwaá?
-
Será puranga Jeová umundú ti yasikari payesá? Marã?
Pemaã kuá VÍDEO. Ariré pekuntari kuá resé:
-
Kuá vídeo upé, Paula umburi yepé fita imembira yuwá resé. Será yawaité umuñhã kuayé? Marã?
-
Maã Paula uprecisari umuñhã uyumukaturu arama demônioitá suí?
Kuxiíma suíwara cristão supiwaitá ta usikari ta upitá demônioitá ruaxá. Peleri Ato 19:19 asuí 1 Korintowaraitá 10:21. Ariré pekuntari kuá resé:
-
Marã importante yamukañhemu pañhe maã payesá resé yarikuwaá?
6. Remuserana Yurupari asuí demônioitá
Yurupari umundú demônioitá resé. Ma Jesus, kuá arkanjo Miguel, umundú anjoitá resé. Mayé Miguel aé kirimbawaá? Peleri Apokalipse 12:7-9. Ariré pekuntari kuá resé:
-
Awá taá kirimbá piri: Miguel asuí ianjoitá, u Yurupari asuí idemônioitá?
-
Será cristãoitá ta uprecisari ta usikié Yurupari asuí demônioitá suí?
Indé repoderi remuserana Yurupari asuí demônioitá. Peleri Tiago 4:7. Ariré pekuntari kuá resé:
-
Mayé repoderi reyumukaturu Yurupari asuí demônioitá suí?
YEPEYEPÉ MIRAITÁ TA UMBEU: “Ti maã urikú yayumusarai videogame irum u yamaã filme mamé aikuewaá magia.”
-
Marã yawaité yamanduári kuayé?
MAÃ REYUMBUÉ
Anjoitá satambikawaá ta uajudari yandé. Yurupari asuí demônioitá aintá Jeová ruayanaitá asuí ta usari payesá ta uganani arama miraitá.
Remanduári arama
-
Mayé anjoitá ta uajudari miraitá ta uyumbué arama Jeová resé?
-
Awá taá Yurupari asuí demônioitá?
-
Marã ti puranga resikari payesá?
REPUTARI SERÁ REKUÁ PIRI?
Remaã maã uxari yakuá Jesus aeté kuá arkanjo Miguel.
“Awá taá kuá arkanjo Miguel?” (Artigo do jw.org)
Remaã mayé yapoderi yakuá aikueté Yurupari, asuí aé ti yepé maã puxiwerawaá miraitá piá upé.
“Aikué será Yurupari?” (Artigo do jw.org)
Remaã mayé yepé kuñhã umuserana demônioitá.
“Aé uyumbué maã umuñhã arama ivida upé” (A Sentinela, 1.º de julho de 1993)
Remaã mayé Yurupari usari payesá uganani arama miraitá.
“Maã supiwaá magia asuí payesá resé” (O Caminho para a Vida Eterna, parte 5)
