Deus ‘umuñhãwaá pañhe maã.’ — Apokalipse 4:11 *

Maã Bíblia uñheẽ Deus resé?

• Apokalipse 15:3

  Aé kirimbá pañhe awá suí, ne awá iwaka upé, ne iwí upé kirimbá píri isuí.

• 1 Timóteo 1:17

  Aé ti uriku ipausá. Aikuéwara Deus.

• Mateu 6:9

  Deus aé yané Paya iwaka pura.

  Aé uputari yané ruri.

• Ato 17:27

  Deus uputari upitá yané rumuara.

‘Se rera Jeová pañhe ara.’ — Êxodo 3:15

Marã importanti Deus rera?

• Salmo 83:18

  Deus umbeu yandé arama isera Jeová. Siya miraita ta uñheẽ Deus rera “Tupana”, “Yané Muñhangara” asuí “Yané Ruixawa”, ma Deus umbeu yandé arama aé isera Jeová. Jeová uputari yasenui aé isera rupí.

• Êxodo 3:14

  Jeová rera uputari uñheẽ: “Aé umuñhã maãté uputariwaá umuñhã”. Jeová upuderi umuñhã usasá pañhe maã aé uprumeteriwaá asuí upuderi umuñhã maãntu aé uputariwaá, ñhasé aé yané Muñhangara.

“Gustarisá kuá Deus.” — 1 João 4:8

Marã importanti yandé arama Deus saisusá?

• Êxodo 34:6; Salmo 37:28

  Jeová puranga yané irum, pirasua umaã yandé asuí uputari uajudari miraita. Aé ugustari supiwaá asuí satambikawaá.

• 1 João 1:9

  Jeová uyuka yané suí yané pekadu.

• 2 Pedro 3:9

  Jeová uriku pasiensia yané irum.

• Apokalipse 15:4

  Aé ti uxári yandé.

“Pexári Deus resé pañhe kuá umutawawaá peñhe, ñhasé umanduari peñhe.” — 1 Pedro 5:7

Maã uxári rekuá Deus umuñhakunta ne resé?

• Salmo 37:9-11

  Ti resewara miraita ta umuñhã puranga, pañhe yandé yapurará. Deus uprumeteri umbawa yané purarasá irum. Pañhe usu upitá puranga mukũisá.

• Tiago 4:8

  Jeová uputari indé mayé isumuara.

• João 17:3

  Reyumbué píri ramé Deus resé resu rekuá mayé aé umuñhakunta ne resé asuí umuturusu resaisusá.