Bíblia umbeu puranga yameẽ ramé yepé maã amuitá supé pañhe yané piá suí. Bíblia umbeu yuíri, awá uganhariwaá upitá surí, ma awá umeẽ upitá surí piri. (Provérbiuitá 11:25; Luka 6:38) Jesus umbeu: “Suuri piri kua umeewaa.” — Ato 20:35.

•  Mairamé Deus uputari yameẽ?

•  Mairamé Deus ti uputari yameẽ?

•  Maã Bíblia umbeu kuá resé

 Deus ugustari mairamé yandé yameẽ yepé maã yané piá suí. Bíblia umbeu: “Aintaumee arama aintamaa aintayaweyawe kuaye aintaumanduarisawa uxariwaa yawe, timaa yatima uxari ae, nyãse Deus ugustari kuaita suuriwaita uxari aintamaa Deus supe.” — 2 Korintowaraitá 9:7.

 Deus umaã yameẽ ramé yepé maã yané piá suí. (Tiago 1:27) Awá uajudari yepé mira uprecisariwaá, umuñhã maã Deus uputariwaá asuí aé usú uabençoari kuá mira. (Provérbiuitá 19:17) Bíblia umbeu Deus usú umeẽ maã purangawaá awaitá supé ta umeẽwaá ta piá suí. — Luka 14:12-14.

 Mairamé yameẽ ñhãsé yasarú yepé maã isikuyara. Yepeyepé exemplo:

•   Mairamé yaputari amuitá ta umaã. — Mateu 6:2.

•   Mairamé yaputari yepé maã isikuyara. — Luka 14:12-14.

•   Yapoderi arama yayusalvari. — Salmo 49:6, 7.

 Mairamé yameẽ awaitá supé ta usú ta usari kuá dinheiro ta umuñhã arama maã tiwaá puranga. Mayé, ti puranga yameẽ dinheiro awaitá supé ta usuwaá ta usari ta ujogari arama yepé jogo uganhari arama dinheiro isikuyara, ta uú arama kawĩ, u ta usari arama droga. (1 Korintowaraitá 6:9, 10; 2 Korintowaraitá 7:1) Asuí yuíri, ti puranga yameẽ maãitá awaitá supé yakuawaté ta upoderiwaá ta upurakí ma ti ta uputari — 2 Tesalonikawaraitá 3:10.

 Mairamé umuapatuka yepé murakí Deus uxariwaá yepé mira supé. Bíblia umbeu umuñhakuntawaitá resé ta anamaitá ta urikuté ta umeẽ pañhe maã ta anamaitá ta uprecisariwaá. (1 Timóteo 5:8) Ape, ti puranga aintá ta umeẽ siya maãitá amuitá supé arama asuí ti ta usikari ta umeẽ ta anamaitá supé ta uprecisariwaá. Jesus umbeu ti puranga maã yepeyepé miraitá ta umuñhãwaá kuera, aintá ti ta umuñhakunta ta payaitá asuí ta umbeu ‘ta umeẽwaá purangawaá Deus supé.’ — Marko 7:9-13.