Tu kʼiinil 30 tiʼ junio tiʼ 2024, le huracán Beryloʼ tu chukaj categoría 3 yéetel tu jatsʼaj u noojolil u islail Martinica, yaan tu islail Antillasoʼ. Ka sáaschaj tuláakʼ kʼiineʼ le huracánoʼ maas fuertechaji yéetel tu chukaj categoría 4, ka tu jatsʼaj Islas de Barlovento, tuʼux táakaʼan Barbados, Granada y San Vicente yéetel u islail Granadinas. Tuláakʼ kʼiineʼ le huracánoʼ tu jatsʼaj Venezuela bey categoría 5. Ka tsʼoʼokeʼ máan tu noojolil Jamaica. Tu kʼiinil 5 tiʼ julioeʼ le sajbeʼentsil tormentaaʼ tu jatsʼaj u penínsulail Yucatán, tu luʼumil México, ka tsʼoʼokeʼ tu jatsʼaj xan u noojolil Estados Unidos.

Tuláakal le tuʼux máan le huracánaʼ jach tu sen afectartaj máak, sen kʼáax cháak yéetel sen kʼaʼamchaj le iikʼoʼ, tu chukaj 270 kilómetros por hora. Tu kʼaskúuntaj najoʼob, negocioʼob yéetel uláakʼ baʼaloʼob. U millonesil máakoʼob kajaʼanoʼob teʼ tuʼux máan le huracánoʼ tak bejlaʼa minaʼan corriente tiʼob, jaʼ yéetel uláakʼ baʼaloʼob kʼaʼabéettiʼob. Le noticiaʼoboʼ ku yaʼalikoʼobeʼ tsʼoʼok u kíimil maas tiʼ 30 máakoʼob.

Martinica (Tu islail Antillas)

• Mix juntúul sukuʼun kíimi

• Seis publicadoroʼob jóoʼsaʼaboʼob tu yotochoʼob

• Junpʼéel naj jach láaj júuti

• Junpʼéel najeʼ jach kʼaschaji

• Junpʼéel najeʼ yaan baʼax kʼaschaj tiʼ

• Mix junpʼéel salón kʼaskúuntaʼabi

Islas de Barlovento

• Mix juntúul sukuʼun kíimi

• Siete publicadoroʼob úuch loob tiʼob

• 67 publicadoroʼob jóoʼsaʼaboʼob tu yotochoʼob

• 39 najoʼob jach kʼaschaji

• 31 najoʼob yaan baʼax kʼaschajoʼob tiʼ

• Junpʼéel salón jach júuti

• Junpʼéel salón jach kʼaschaji

• Cuatro salónoʼob yaan baʼax kʼaschaj tiʼ

Venezuela

• Mix juntúul sukuʼun kíimi

• 30 publicadoroʼob jóoʼsaʼaboʼob tu yotochoʼob

• 12 najoʼob jach kʼaschaji

• 9 najoʼob yaan baʼax kʼaschajoʼob tiʼ

• Junpʼéel salón jach kʼaschaji

Jamaica

• Mix juntúul sukuʼun kíimi

• 18 publicadoroʼob jóoʼsaʼaboʼob tu yotochoʼob

• 24 najoʼob jach kʼaschaji

• 75 najoʼob yaan baʼax kʼaschajoʼob tiʼ

• 19 salónoʼobeʼ yaan baʼax kʼaschaj tiʼob

México

• Mix juntúul sukuʼun kíimi

• 320 publicadoroʼob jóoʼsaʼaboʼob tu yotochoʼob, pero tsʼoʼok u kaʼa suutoʼob

• 11 najoʼob yaan baʼax kʼaschajoʼob tiʼ

• Mix junpʼéel salón kʼaskúuntaʼabi

Estados Unidos

• Mix juntúul sukuʼun kíimi

• Seis publicadoroʼob úuch loob tiʼob

• 242 publicadoroʼob jóoʼsaʼaboʼob tu yotochoʼob

• Cuatro najoʼob jach júuti

• 33 najoʼob jach kʼaschaji

• 471 najoʼob yaan baʼax kʼaschajoʼob tiʼ

• Mix junpʼéel salón kʼaskúuntaʼabi

Le superintendenteʼob tiʼ circuito yéetel le ancianoʼoboʼ táan u líiʼskoʼob u yóol le sukuʼunoʼob afectartaʼaboʼoboʼ. Tsʼoʼoleʼ tsʼoʼok u formartaʼal seis Comitéʼob tiʼ Socorro utiaʼal u yáantaʼal le sukuʼunoʼoboʼ.

k-kʼáatik tiʼ Jéeoba ka seguernak u yáantik yéetel u líiʼsik u yóol le sukuʼunoʼob teʼ yaayaj kʼiinoʼobaʼ (2 Corintios 1:3, 4).