Le Catholic News Service wa u agencia le católicoʼob tsʼáaik noticiaʼoboʼ tu yaʼaleʼ tu kʼiinil 25 tiʼ marzo tiʼ 2022, teʼ Basílica de San Pedrooʼ beetaʼab junpʼéel ceremoniaiʼ. Teʼ kʼiin jeʼeloʼ le papa Franciscooʼ waʼalaj aktáan u imagen Maríaeʼ, tu mutsʼaj u yicheʼ ka orarnaj utiaʼal u kʼáatiktiʼ ka u beet u yantal jeetsʼelil. Le sitio ich Internet Vatican Newsoʼ tu yaʼaleʼ le papaoʼ tu kʼáataj «ka u kʼex u tuukul le máakoʼoboʼ yéetel ka u kʼamoʼob María, maases tumen le yanoʼob Rusia yéetel Ucraniaoʼ».

 Techeʼ, ¿bix a wilik? ¿Maʼalob wa ka orarnak máak tiʼ junpʼéel imagen wa ka u usart utiaʼal u adorartik Dios? Tuukulnen tiʼ le tekstoʼobaʼ:

•   «Maʼ unaj a beetik mix junpʼéel imagen tiʼ le baʼaloʼob yaan teʼ kaʼanoʼ, teʼ luʼumoʼ wa le yanoʼob ichil le jaʼoʼ, yéetel mix unaj a copiartik le forma yaantiʼoboʼ. Maʼ unaj a chintal tu táanoʼobiʼ mix a chaʼik ka oksaʼak ta pool ka a adorartoʼobiʼ, tumen teneʼ Jéeoba a Diosen, in kʼáat ka adorartaʼaken chéen teen» (Éxodo 20:4, 5). a

•   «Le imagenoʼob ku adorartik le kaajoʼoboʼ beetaʼan de plata yéetel de oro, chéen wíinik beetmiloʼob. Yaan u chiʼob, pero maʼ tu páajtal u tʼaanoʼob. Yaan u yichoʼob, pero maʼ tu páajtal u paakatoʼob. Yaan u xiknoʼob, pero maʼ tu páajtal u yuʼubikoʼob mix baʼal. Yaan u niʼob, pero maʼ tu páajtal u yuʼubikoʼob u book mix baʼal. Yaan u kʼaboʼob, pero maʼ tu páajtal u machkoʼob mix baʼal. Yaan u yookoʼob, pero maʼ tu páajtal u xíimbaloʼob. Jach mix junpʼéel ruido ku páajtal u beetkoʼob yéetel u kaaloʼob. Le máaxoʼob beetkoʼoboʼ yaan u pʼáatloʼob jeʼex letiʼoboʼ, bey xan le máaxoʼob ku confiaroʼob tiʼ letiʼoboʼ» (Salmo 115:4-8).

•   «Teneʼ Jéeobaen, letiʼe in kʼaabaʼoʼ. Tiʼ mix máak ken in chaʼa u tsʼaʼabal le adoración unaj u tsʼaʼabaltenoʼ yéetel tiʼ mix junpʼéel póolbil imagen ken in chaʼa u tsʼaʼabal le alabanza unaj u tsʼaʼabaltenoʼ» (Isaías 42:8).

•   «Maʼ a adorarkeʼex imagenoʼob» (1 Corintios 10:14).

•   «Náachkuntabaʼex tiʼ le imagenoʼoboʼ» (1 Juan 5:21).

 Utiaʼal a wojéeltik baʼax uláakʼ ku yaʼalik le Biblia yoʼolal u meyaj tiʼ máak le imagenoʼob utiaʼal u adorartik Diosoʼ, ilawil le xook ich español «El punto de vista bíblico: Las imágenes» wa chaʼant le video ¿Unaj wa u meyajtoʼon imagenoʼob utiaʼal k-adorartik Dios?

 Maʼ xaaneʼ taak xan a wojéeltik baʼax ku yaʼalik le Biblia yoʼolal le temaʼobaʼ:

•   «¿Qué dice la Biblia sobre la virgen María?», ich español.

•   «¿Debería usted rezarle a la vírgen María?», ich español.

•   «¿Son señales de Dios los milagros y las apariciones?», ich español.

•   «¿Bix kun antal jeetsʼelil way Luʼumeʼ?».

Photo credit: Vincenzo Pinto/AFP via Getty Images