Teʼ kʼiinoʼobaʼ táan u yaʼabtal le veganoʼoboʼ wa le máaxoʼob jaantik chéen frutas yéetel verdurasoʼ.

•   «Le veganoʼoboʼ maʼ u kʼáatoʼob ka maltratartaʼak wa ka kíimsaʼak le baʼalcheʼob utiaʼal jaantbil, utiaʼal u beetaʼal nookʼ wa utiaʼal uláakʼ wa baʼaxoʼ» (The Vegan Society).

 Yaan máakoʼobeʼ ku beetkubaʼob veganoil utiaʼal u kanáantkoʼob le Luʼumaʼ, yoʼolal u toj óolaloʼob wa yóolal u religiónoʼob.

•   «Le veganoʼoboʼ jelaʼan u tuukuloʼob tiʼ le u maasil máakoʼob ku beetkoʼob dietaoʼ. Letiʼobeʼ ku yéeyikoʼob u jaankoʼob chéen frutas yéetel verduras tumen ku tuklikoʼobeʼ letiʼe baʼax unaj u beetaʼaloʼ yéetel tuláakal máak unaj u tuukul jeʼex letiʼoboʼ» (Britannica Academic).

 U jaantaʼal chéen frutas yéetel verduraseʼ, ¿jeʼel wa u yáantaj utiaʼal maʼ u seguer u kʼastal le Luʼumaʼ? ¿Baʼax ku yaʼalik le Biblia yoʼolal leloʼ?

 Le Bibliaoʼ ku yaʼalikeʼ Jéeobaeʼ a maʼ igual u yilik wíinik yéetel baʼalcheʼiʼ, le oʼolal tu tsʼáaj tiʼ wíinik autoridad yóokʼol le baʼalcheʼoboʼ (Génesis 1:27, 28). Ka máan kʼiineʼ Dioseʼ tu yaʼalaj tiʼ wíinik jeʼel u páajtal u jaantik u bakʼel le baʼalcheʼoboʼ (Génesis 9:3). Pero lelaʼ maʼ u kʼáat u yaʼaleʼ wa Dioseʼ u kʼáat ka maltratartaʼak le baʼalcheʼoboʼ (Proverbios 12:10).

 Le Bibliaoʼ ku yaʼalikeʼ cada máak ken u decidirt wa yaan u jaantik bakʼ. b Pero kex ka k-jaant bakʼ wa maʼeʼ maʼ ken u maas natsʼoʼon tiʼ Dios (1 Corintios 8:8). Unaj k-respetartik le baʼax ken u chʼaʼtukult u jaantik u maasiloʼ (Romanos 14:3).

 Le Bibliaoʼ ku yaʼalikeʼ kex jeʼel baʼaxak ka u beet máakeʼ maʼ kun béeytal u yutskíintik le problemas yaan teʼ kʼiinoʼobaʼ. Leloʼ beyoʼ tumen yaʼab tiʼ le problemasoʼ ku yantal tu yoʼolal le políticaoʼ bey xan tu yoʼolal le u pʼaatal minaʼan taakʼinoʼ. Le Bibliaoʼ ku yaʼalik:

•   «Le baʼax loocholoʼ maʼ tu páajtal u tojkíintaʼal» (Eclesiastés 1:15).

 Dios kun utskíintik tuláakal le problemas yaantoʼonoʼ. Le Bibliaoʼ ku tsolik bix ken u beetil.

•   «Teen túuneʼ tin wilaj junpʼéel túumben kaʼan yéetel junpʼéel túumben luʼum, tumen le kaʼan yéetel le luʼum yanoʼob kaʼachoʼ tsʼoʼok u pʼáatal minaʼanoʼob, yéetel le kʼáaʼnáaboʼ tsʼoʼok u pʼáatal minaʼan xan» (Apocalipsis 21:1).

 Dioseʼ yaan u luʼsik u gobierno wíinik wa «le kaʼan» yaan kaʼachoʼ yéetel yaan u tsʼáaik «junpʼéel túumben kaʼan» wa junpʼéel gobierno yaan teʼ kaʼanoʼ. Le Reinoaʼ yaan u xuʼulsik tiʼ «le luʼum» yaan kaʼachoʼ wa tiʼ le kʼasaʼan máakoʼoboʼ, yéetel yaan u gobernar yóokʼol «junpʼéel túumben luʼum» wa le máaxoʼob beetik baʼaxoʼob ku yaʼalik Diosoʼ.

 Kéen káajak u gobernar u Reino Dioseʼ le baʼalcheʼob yéetel le wíinikoʼoboʼ yaan u béeytal u múul kajtaloʼob (Isaías 11:6-9).